ԱՄՆ-ը պատրաստ է մասամբ վերանայել հակառուսական պատժամիջոցները․ Սիյարտո
Միացյալ Նահանգները պատրաստ է քննարկել պատժամիջոցների չեղարկումը, որոնք «ազդում են Հունգարիայի էներգետիկ անվտանգության վրա»՝ ներառյալ Ռուսաստանի նկատմամբ կիրառվող սահմանափակումները, ԱՄՆ պետքարտուղար Մարկո Ռուբիոյի հետ բանակցություններից հետո ասել է Հունգարիայի արտգործնախարար Պետեր Սիյարտոն։
«Ամերիկյան ներկայիս վարչակազմը բացարձակապես, 100%-ով բաց է այն փաստի համար, որ նախկին նախագահ Ջո Բայդենի վարչակազմի օրոք ձեռնարկված պատժամիջոցները պետք է վերանայվեն՝ դրանք չեղարկելու նպատակով»,- ասել է նա հունգարական M1 հեռուստաալիքին տված հարցազրույցում։
Նախարարը նշել է, որ պատժամիջոցները Բուդապեշտին խանգարում են գազ գնել Մոսկվայից և բարդացնում են համագործակցությունը ատոմային էներգետիկայի ոլորտում։
Հունգարիայի արտգործնախարարը նաև ասել է, որ ԱՄՆ-ը կարող է վերանայել պատժամիջոցները, որոնք Բայդենի վարչակազմը սահմանել է «ամերիկահունգարական հարաբերությունները վնասելու համար»։ Դրանք ներառում են սահմանափակումներ Հունգարիայի վարչապետ Վիկտոր Օրբանի գրասենյակի ղեկավար Անտալ Ռոգանի նկատմամբ «Հունգարիայում կոռուպցիայի մեջ ներգրավվածության» համար, որոնք սահմանվել են հունվարին։
Ռուսաստանը իր դեմ կիրառված պատժամիջոցները համարում է անօրինական և պահանջում է դրանք չեղարկել՝ Ուկրաինայում հակամարտության խաղաղ կարգավորման բանակցություններ սկսելու համար։
Բաց խոսակցություն պետական համակարգի հետ. Հրաչյա Ռոստոմյան
Խաղաղության պայմանագրից հետո Ադրբեջանի քաղաքացին իրավունք կունենա հող գնել ՀՀ-ում. Նարեկ Կարապետյան
«Դասավանդի՛ր հանուն Հայաստանի»-ն և «Թովմասյան» հիմնադրամը ստորագրել են հուշագիր
Ucom-ի գլխավոր տնօրեն Ռալֆ Յիրիկյանը մասնակցել է Impacture 2026 համաժողովին
Հայաստանի ընտրությունը՝ հուզական քաղաքականությո՞ւն, թե՞ պետական մտածողություն. «Փաստ»
Գնա՛ ընտրության, որ քո կամքին չբռնանան. Գոհար Մելոյան
Թույլ մի ՛ տուր՝ որոշեն քո փոխարեն․ Արթուր Դանիելյան
Վանաձորս․ Ալիկ Ալեքսանյան
Նոր աշխարհակարգի չինական առանցքը և Հայաստանի խնդիրը. «Փաստ»
Փոփոխությունը սկսվում է քեզանից․ արի՛, քվեարկի՛ր․ հունիսի 7-ին՝ համար 3-ին
