Վահան Դավթյանը ավելի քան 30 հազար դոլար փոխառություններ ունի. «Փաստ»

«Փաստ» օրաթերթը գրում է.

Բնապահպանության նախարարության ջրային ռեսուրսների կառավարման գործակալության պետ Վահան Դավթյանը երկու շաբաթ առաջ Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Դավթյանը հայտարարագրել է ՀՀ օրենսդրության համաձայն նոր կառուցված, ձեռք բերված և անշարժ գույքի կադաստր վարող լիազոր մարմնի կողմից հաշվառված ու գնահատված շինություն, որը, սակայն, դեռևս չի ստացել իրավունքների պետական գրանցում:

Պաշտոնը ստանձնելու օրվա դրությամբ ունեցել է 10 հազար ամերիկյան դոլար ու 10 միլիոն 488 հազար 344 դրամ տրված փոխառություններ: Դրամական միջոցներն էլ կազմել են 6 միլիոն 700 հազար դրամ, 4 հազար ԱՄՆ դոլար, 1800 եվրո ու 11 հազար ռուսական ռուբլի:

Եկամուտները կազմել են 11 միլիոն 227 հազար դրամ, որից 2 միլիոն 873 հազար դրամը աշխատավարձն է, 4 միլիոն 113 հազար դրամը տրված փոխառությունների՝ վարկերի դիմաց ստացված տոկոս, 4 միլիոն դրամը՝ գույքը օտարելուց ստացված գումարը, իսկ 240 հազար դրամն էլ նշված է որպես այլ եկամուտ:

 Շարունակությունը՝ «Փաստ» օրաթերթի այսօրվա համարում