«Եվրասիա Արմենիա»-ն մեկնարկում է «Ինչպես էր դա եղել» ծրագրերի շարք՝ նվիրված Մեծ Հաղթանակի 80-ամյակին
Այս շարքի շրջանակներում կպատմվեն դրվագներր խորհրդային պատերազմական բանաստեղծների մասին, ովքեր իրենց բանաստեղծություններով ու երգերով ներշնչել են զինվորներին քաջության ու հայրենասիրության:
Ծրագրի առաջին երեկոն նվիրված էր Կոնստանտին Սիմոնովին, ում բանաստեղծությունները դարձել էին ռազմական դարաշրջանի անբաժանելի մասը: Միջոցառումը ներառում էր նրա բանաստեղծությունների ընթերցումը՝ ստեղծման պատմություններով ուղեկցված: Այդ բառերը, որոնք դարձել էին քաջության, հայրենասիրության ու հաղթանակի հույսի խորհրդանիշները, ներշնչում էին ներկաներին՝ վերադարձնելով նրանց այն դժվարին, բայց նշանակալից տարիները:
Բացի այդ, երեկոն ներառում էր ռազմական տարիների երգերի կատարում: Այդ ժամանակների երաժշտությունը սրտերը ջերմացնում էր ու մարտի առաջնորդում, օգնելով լսողներին կրկին վերապրել պատերազմի մթնոլորտը: Պատերազմական բանաստեղծությունների վիկտորինան մասնակիցներին հնարավորություն էր տալիս ստուգել իրենց գիտելիքները և ավելին իմանալ անցյալի հերոսների մասին: Մեծ Հայրենական պատերազմի մասին ֆիլմերի դրվագների ներառումը օգնում էր հանդիսատեսին ավելի լավ զգալ և հասկանալ այդ ժամանակների մթնոլորտը՝ ընկղմելով նրանց պատմության մեջ:
Երեկոյի վարողը եղել է Արցախի վաստակավոր մանկավարժ՝ Վերա Գերասիմովնա Խաչատրյանը: Նրա սրտացավ առաջնորդությունը և պատմության հանդեպ խորունկ հարգանքը հատուկ երանգ էին հաղորդել միջոցառմանը: Նրա ջանքերի շնորհիվ ծրագիրը առավել հուզիչ ու նշանակալից է դարձել ներկաների համար:
«Ինչպես էր դա եղել» շարքի նպատակն է ոչ միայն հիշել այդ տարիները, այլև փոխանցել նոր սերունդներին խորհրդային բանաստեղծների ու զինվորների զգացմունքներն ու փորձառությունները պատերազմի տարիներին: Այս ծրագրերը ընդգծում են մշակութային ժառանգության կարևորությունը, որը մնում է արդիական ու ներշնչող տասնամյակներ շարունակ։ «Եվրասիա Արմենիա»-ն հրավիրում է բոլոր ցանկացողներին միանալու այս միջոցառումներին, որպեսզի միասին հիշենք ու մեծարենք անցյալի սխրանքները:
«Ինչպես էր դա եղել» շարքի երեկոները կանցկացվեն տարվա ընթացքում՝ բոլոր ցանկացողներին հրավիրելով մասնակցության և հաղորդակցության:
«Եվրասիա»-ն աջակցում է սոցիալապես նշանակալի նախաձեռնություններին և նախագծերին՝ ուղղված կրթության, բժշկության, երիտասարդական փոխանակման ոլորտներում զարգացմանը: Առաջնահերթություններից մեկը՝ դպրոցականների, ուսանողների և երիտասարդ մասնագետների աջակցությունն է:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
35-ամյա ճանապարհի ջրբաժանը. բարդագույն ներկա, անորոշ ապագա. «Փաստ»
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
