Կառավարական զորքերն ու իրանամետ ուժերն առանց կռվի նահանջել են, պայթեցրել իրենց դիրքերը և հեռացել. Պուտինը Սիրիայում կատարվածից մանրամասներ է պատմել
ՌԴ նախագահ Վլադիմիր Պուտինն ամենամյա ուղիղ կապի ժամանակ ասել է, որ դեռ չի հանդիպել Մոսկվայում գտնվող Բաշար ալ Ասադի հետ, սակայն մտադիր է դա անել։ Այս մասին գրում է interfax.ru-ն:
«Ես դեռ չեմ հանդիպել նախագահ Ասադի հետ նրա ժամանումից հետո, բայց ծրագրում եմ դա անել», - ասել է Պուտինը՝ պատասխանելով համապատասխան հարցին։
Խոսելով Սիրիայում իշխանությունը գրավելու մասին՝ ՌԴ նախագահը պատմել է, որ երբ զինված ընդդիմադիր խմբավորումը մոտեցել է Հալեպին, քաղաքը պաշտպանելիս է եղել մոտ 30,000 մարդ։
«Քաղաք է մտել 350 գրոհային: Կառավարական զորքերը, իսկ նրանց հետ նաև իրանամետ ստորաբաժանումները նահանջեցին առանց կռվի, պայթեցրին իրենց դիրքերը և հեռացան, և գրեթե նույնը, հաշվի չառնելով փոքր բացառությունները, երբ եղան ինչ-որ բախումներ, կատարվեց Սիրիայի ամբողջ տարածքում»,- ասել է ՌԴ նախագահը։
Այնուհետև, ինչպես գրում է ՌԻԱ «Նովոստի»-ն, նա հավելել է, որ Սիրիայում Ասադի վարչակարգի տապալումից հետո Ռուսաստանի Դաշնությունը «Հմեյմիմ» ռազմաբազայից Թեհրան է տեղափոխել իրանցի 4,000 մարտիկի։
«Եթե նախկինում, ասենք, մեր նույն իրանցի ընկերները խնդրում էին մեզ օգնել իրենց ստորաբաժանումները տեղափոխել սիրիական տարածք, ապա այս անգամ նրանք մեզ խնդրեցին դուրս բերել նրանց այնտեղից։ 4,000 իրանցի մարտիկի «Հմեյմիմ» բազայից տեղափոխեցինք Թեհրան»,- ասել է ՌԴ նախագահը։
Նա նշել է, որ իրանամետ ստորաբաժանումների մի մասը գնացել է Լիբանան, իսկ մի մասը՝ Իրաք։
Պուտինը նաև հավելել է, որ Սիրիայում տեղի ունեցող իրադարձությունների հիմնական շահառուն Իսրայելն է:
«Ինձ մոտ այնպիսի տպավորություն է, որ Իսրայելը ոչ միայն չի պատրաստվում լքել Սիրիայի տարածքը, այլև պատրաստվում է ամրապնդվել այնտեղ: Ռուսաստանը դատապարտում է սիրիական ցանկացած տարածքի գրավումը», - ասել է ՌԴ նախագահը։
Պուտինը նաև մեկնաբանել է Սիրիայում ռուսական ռազմաբազաների պահպանման հնարավորությունը։
«Մենք հարաբերություններ ենք պահպանում այնտեղ տիրող իրավիճակը վերահսկող բոլոր խմբերի հետ, տարածաշրջանի բոլոր երկրների հետ, նրանց ճնշող մեծամասնությունը մեզ ասում է, որ իրենց կհետաքրքրի, որ Սիրիայում մեր ռազմաբազաները մնան։ Չգիտեմ, մենք պետք է մտածենք սրա մասին, քանի որ մենք ինքներս պետք է որոշենք, թե ինչպես կզարգանան մեր հարաբերություններն այն քաղաքական ուժերի հետ, որոնք այժմ վերահսկում են և ապագայում կվերահսկեն իրավիճակը այս երկրում»,- ասել է նա։
Նոր ցուցադրությամբ եզրափակվեց Գեղարվեստական տպագրության Երևանյան Միջազգային Բիենալեն
Զելենսկու և Երմակի անունով օտարերկրյա անձնագրեր են հայտնաբերվել (լուսանկարներ)
Իրավական տեսանկյունից անհերքելի փաստ է, որ Սամվել Կարապետյանը ենթարկվում է ամենաինտենսիվ քաղաքական հ...
Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան
Դատարանի հրապարակած վճռով անվավեր է ճանաչվել ԵՊՀ ռեկտորի՝ աշխատակիցներից մեկին աշխատանքից ազատելու հ...
Փաշինյանը հատեց վտանգավոր սահմանագիծը․ Ռուսաստանի թեմը՝ Հայ առաքելական Սուրբ Եկեղեցու միացյալ կենտրո...
Քաղաքական ճգնաժամի նոր փուլ․ ինչի հետևանք է Վաշինգտոնի հուշագիրը
Կարապետյանական ոճը սա է․ անդրադարձ Լոռու մարզի ամենամեծ ծննդատանը
Հատկապես սահմանամերձ համայնքներում դպրոց փակելը հավասարազոր է գյուղը դատարկելու կանաչ լույսին․ Մարիա...
«Մեր ձևով»-ը ՔՊ-ի համար լուրջ խնդիրներ է ստեղծում՝ ինչը բնականաբար լավ է․ Գառնիկ Դավթյան
