Հանրաքվե կամ Բարզանիի կանաչ լույսը խորհրդարանական ընտրություններում. «Փաստ»
«Փաստ» օրաթերթը գրում է.
Երեկ Իրաքյան Քուրդիստանում տեղի ունեցավ անկախության հանրաքվե, որի արդյունքում անկախությանն «այո» ասաց ընտրողների 93%–ը: Իրաքյան Քուրդիստանի անկախության հանրաքվեի անցկացման իրական պատճառների մասին «Փաստը» զրուցեց միջազգայնագետ Գևորգ Մելիքյանի հետ:
– Իրաքյան Քուրդիստանի հանրաքվեի արդյունքները որքանո՞վ կարող են ազդել երկրի առաջիկա խորհրդարանական ընտրությունների վրա:
– Այդ հանրաքվեն հենց այդ նպատակով էր անցկացվում. որպեսզի Մասուդ Բարզանին կարողանա իր հեղինակությունը վերականգնել և մոտակա ընտրություններին ունենա մեծամասնություն՝ օգտագործելով հանրաքվեի խորհուրդը, անկախության սիմվոլիկան քաղաքական նպատակներով: Իրաքի քրդերը շատ լավ հասկանում են, որ անկախությունը հանրաքվեով ձեռք չեն բերում: Սա ցույց է տալիս քրդերի պատրաստակամությունը ունենալու անկախ պետություն: Ինչը նորություն չէ: Բայց մնացած երկրներն էլ հասկացնում են, որ պետք չէ այդպես երկար շարունակել:
Իսկ Բարզանին կհասնի ու հասնում է իր նպատակին. նա կարողացավ կոնսոլիդացիա ապահովել: Նաև իր հայրենակիցները տեսնում են, որ նա միջազգային ասպարեզում կարողացավ փոթորիկ ստեղծել: Սա լավ կլինի իր համար ընտրությունների ժամանակ և մոռացնել կտա բոլոր հեղինակազրկումները, կոռուպցիոն սկանդալները իր անվան հետ կապված, փաստացի երկիրը՝ Իրաքյան Քուրդիստանը, տնտեսական խնդիրների առաջ կանգնեցնելը և այլն:
– Հանրաքվեն ազգերի ինքնորոշման իրավունքի հարցին ինչ–որ կերպ կազդի:
– Չի կարող ազդել: Պետք է հիշել մեկ բան՝ միջազգային իրավունքը և միջազգային հարաբերությունները նախադեպերի վրա չեն կառուցվում: Ոմանք դա կոչում են երկակի կամ եռակի ստանդարտներ: Բայց փաստը մնում է փաստ, որ դա իրականություն է: Օրինակ՝ Հայաստանը դրոշ չի բարձրացրել, չի ոգևորվել, երբ չեչենները ժամանակին պայքարում էին Ռուսաստանից դուրս գալու համար: Հայաստանում որևէ մեկը չի խոսում չեչենների իրավունքների մասին, կամ որևէ մեկը չի պաշտպանում Հյուսիսային Կիպրոսում ապրող թուրքերի իրավունքները: Հայասատանը դա անում է այնտեղ, որտեղ իրեն ձեռք է տալիս՝ այդպիսով կիրառելով երկակի ստանդարտ:
Ու ասել, թե աշխարհի որևէ կետում որևէ մի ազգի ինքնորոշումը պետք է պարտադիր պաշտպանել, սխալ է: Ամեն մի պարագայում դու ունես քո շահերից բխող դիրքորոշում, մի պարագայում քեզ ձեռնտու է, մյուսում՝ ոչ: Իսկ այս հանրաքվեն բացի լարվածության ավելացումից ոչ մի ազդեցություն չի ունենա:
Շարունակությունը՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
