Պետպատվերից հանվել է անասունների մի քանի հիվանդությունների դեմ պատվաստման ծրագիրը. «Փաստ»
«Փաստ» օրաթերթը գրում է.
Տավուշի մարզում խոզերի մասսայական անկման դեպքեր են գրանցվել: Տուժած համայքներից է Այգեձորը: Գյուղացիների խոսքով՝ խոզերի շրջանում «Աֆրիկյան ժանտախտ» հիվանդություն է բռնկվել: Չնայած խոզերի շրջանում այստեղ կորուստներ են գրանցվել, սակայն հաջողվել է հիվանդության դեմն առնել:
«Չումա հիվանդություն է եղել, մի ամիս շարունակ պայքարեցին էդ հիվանդության դեմ: Շատ կորուստներ եղավ»,– պատմեց Այգեձոր համայնքի անասնաբույժ Սարգիս Սաֆարյանը:
Այգեձորցիները սեփական միջոցներով են հիվանդության հետագա տարածումը կանխել: Անասնաբույժի խոսքով՝ պետությունը պետպատվերից կասեցրել է անասունների մի քանի հիվանդությունների դեմ պատվաստման ծրագիրը: Խոզերի և թռչունների շրջանում այս տարի պատվաստում չի կատարել, ինչի հետևաքնով էլ հիվանդությունը գլուխ է բարձրացրել:
Հավերի անկման դեպքեր գրանցվել են Այգեձորում, ինչպես նաև հարևան Չինարիում:
Վազաշենցիների ցավոտ տեղը նույնպես խոզերի շրջանում բռնկված հիվանդությունն է: Այստեղ գարնան և ամռան ամիսներին խոզերի անկման դեպքեր են եղել:
«Ամբողջ գյուղի խոզերը կոտորվեցին: Մեր թաղում ինչքան խոզ կար սատկեցին, չգիտեինք, թե ինչից էր»,– ասաց Ալվարդ Սիմոնյանը:
Բռնկված հիվանդության մասին գյուղացիները մարզպետարանում բարձրաձայնել են, սակայն նրանց լսող չի եղել: Վազաշենցիները սրտնեղեցին, որ ոչ ոք այդպես էլ չի հետաքրքրվել, թե ինչից են խոզերը սատկել՝ գյուղացիներին թողնելով առանց եկամտի:
«12 գլուխ ինձանից սատկեց, դե տեսեք քանի միլիոնի եմ վնաս կրել: Մենք՝ սահմանամերձ գյուղի բնակիչներս, լքված ենք բոլորի կողմից»,– նշեց Սասուն Մուրադյանը:
Տավուշի մարզում խոզաբուծությունը գյուղացիների ապրուստի միջոցն է հանդիսանում: Վազաշենի բնակիչները դժգոհեցին, որ պատվաստումներ չեն կատարվել, անասնաբույժ էլ Վազաշենում չկա, հարևան գյուղից է գալիս:
Շարունակությունը՝ «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
