Հանձնարարվել է քայլեր ձեռնարկել անընդհատ երթևեկությանը խոչընդոտող ավտոկայանատեղերի կարգաբերման ուղղությամբ
Երևանի քաղաքապետարանում անցկացված աշխատանքային խորհրդակցության ժամանակ, որը վարել է քաղաքապետ Տարոն Մարգարյանը, զեկուցվել է, որ ի կատարումն Երևանի քաղաքապետի հանձնարարականի` մայրաքաղաքի կենտրոնական փողոցներում տրանսպորտային հոսքերի բեռնաթափման նպատակով, ՃՈ հետ համատեղ, պարբերաբար փոփոխություններ են կատարվում նաև խաչմերուկների լուսացույցների աշխատանքների կազմակերպման սխեմաներում:
Ըստ այդմ, մայրաքաղաքի մի շարք խաչմերուկներում արդեն իսկ ապահովված է աջ ուղղությամբ անընդհատ երթևեկության հնարավորությունը: Դրական գնահատելով տրանսպորտային հոսքերի բեռնաթափման ուղղությամբ տարվող վերոնշյալ աշխատանքները` քաղաքապետ Տարոն Մարգարյանը ոլորտի պատասխանատուների ուշադրությունը հրավիրել է այն հանգամանքին, որ արդեն իսկ աջ ուղղությամբ անընդհատ երթևեկություն ունեցող որոշ խաչմերուկների մոտ գտնվող վճարովի ավտոկայանատեղերի համար սահմանազատված հատվածները որոշակի խոչընդոտներ են ստեղծում վարորդների համար:
«Մենք Ճանապարհային ոստիկանության հետ համատեղ պարբերաբար քննարկում և երթևեկության որոշակի փոփոխություններով փորձում ենք բեռնաթափել մայրաքաղաքի փողոցները: Այդ առումով շատ դրական արձագանք է գտել նաև խաչմերուկներում աջ ուղղությամբ անընդհատ երթևեկության ապահովումը: Սակայն նման երթևեկությամբ ապահովված որոշ խաչմերուկներում ունենք որոշակի խնդիրներ, որոնք պայմանավորված են ավտոկայանատեղերի խաչմերուկներին մոտ գտնվելու հանգամանքով:
Դրանք իսկապես ավելորդ անհարմարություններ են ստեղծում վարորդների համար, ուստի ուսումնասիրեք և գույքագրեք նմանատիպ բոլոր խաչմերուկներն ու վերանայեք տվյալ հատվածներում ավտոկայանատեղերի կազմակերպման համար տրված թույլտվությունները՝ դրանց համար սահմանելով այնպիսի տարածություն, որը չի խոչընդոտի երթևեկությանը», - ընդգծել է քաղաքապետ Տարոն Մարգարյանը:
Երևանի քաղաքապետարանի տեղեկատվության
և հասարակայնության հետ կապերի վարչություն
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Նպատակը հստակ է՝ մոռացության տալ. «Փաստ»
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
