Մեր երկրի գոյությունն ու բարգավաճումը կախված է մեզանից յուրաքանչյուրից. շնորհավորում եմ ձեզ Հայաստանի Անկախության Հռչակագրի ընդունման 34-րդ տարեդարձի առթիվ. Արշակ Կարապետյան
Քույրեր և եղբայրներ, սիրելի՛ հայեր։
Շնորհավորում եմ ձեզ Հայաստանի Անկախության Հռչակագրի ընդունման 34-րդ տարեդարձի առթիվ։
1990 թվականի օգոստոսի 23-ին ՀԽՍՀ Գերագույն խորհուրդն ընդունեց Հայաստանի Անկախության հռչակագիրը։ Պատմական այս փաստաթուղթը մեր Սահմանադրության հիմք է կազմել և նախորդել է հանրաքվեին, որով մեր քաղաքացիները հանդես են եկել Հայաստանի Հանրապետության լիիրավ ինքնիշխանության օգտին։
Հռչակագիրն արտահայտում է հայ ժողովրդի կամքը, երաշխավորում Հայաստանի և Արցախի քաղաքացիների պաշտպանությունը։ Այն հիմնված է, ի թիվս այլոց, Հայկական ԽՍՀ Գերագույն խորհրդի և Լեռնային Ղարաբաղի Ազգային խորհրդի 1989 թվականի դեկտեմբերի 1-ի «Հայկական ԽՍՀ-ի և Լեռնային Ղարաբաղի վերամիավորման մասին» համատեղ վճռի վրա։
Հռչակագրի ընդունումից ի վեր Հայաստանի Հանրապետությունը, որպես միջազգային իրավունքի սուբյեկտ, վարում է ինքնուրույն արտաքին քաղաքականություն, անմիջական հարաբերություններ է հաստատում այլ պետությունների հետ, մասնակցում է միջազգային կազմակերպությունների գործունեությանը։ Հռչակագրի կարևորագույն դրույթներն են․ խոսքի, մամուլի և խղճի ազատություն, օրենսդիր, գործադիր և դատական իշխանությունների տարանջատում, բազմակուսակցական համակարգ ու կուսակցությունների իրավահավասարություն, իրավապահպան մարմինների ու զինված ուժերի ապաքաղաքականացում։
Այսօր մեր ժողովրդի առաջ կրկին դրված է անկախության իրավունքը հաստատելու, պետականությունը պահպանելու, Հայաստանի սահմանների անվտանգությունն ու անձեռնմխելիությունն ապահովելու, Արցախի կարգավիճակը վերականգնելու և արցախցիների իրավունքները պաշտպանելու, հայերին իղձերն իրականացնելու և պատմական արդարության վերականգնելու խնդիրը։
Հայաստանի քաղաքացիների հավատքը և հայրենիքի հանդեպ սերն անդրդվելի են, նրանց աշխատանքը հսկայական ներդրում է մեր երկրի զարգացման գործում։ Խիզախորեն, հաղթահարելով բոլոր դժվարությունները, նրանք պաշտպանում են ազգային շահերը։ Ինչպես և Անկախության հռչակագրի ընդունման օրը, մենք պետք է միասնական լինենք մեր պետականությունը պահպանելու ձգտումներում, հայ ժողովրդի ճակատագրի պատասխանատվության հարցում։ Մեր երկրի գոյությունն ու բարգավաճումը կախված է մեզանից յուրաքանչյուրից։
Մաղթում եմ բոլորիդ առողջություն և քաջալերում՝ հանուն հետագա ձեռքբերումների, խաղաղությանը և բարգավաճմա՜նը:
«Համահայկական ճակատ» շարժման առաջնորդ Արշակ Կարապետյան
Հայկ Կազազյանը՝ Մադեյրայի դասական նվագախմբի 2025/2026 համերգաշրջանի փակման համերգի մենակատար
Վթար է․ ջուր չի լինելու մի շարք հասցեներում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Վիեննական երեկո Կապանում դիմակահանդես և վալս
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Գյուղական բնակավայրերում աշակերտների սովորելու ձգտումն ավելի մեծ է, քան Երևանում. Ատոմ Մխիթարյան
Յունիբանկը կխաղարկի ուղևորություն դեպի Իտալիա
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Լինելու ենք Հայաստանի բոլոր մարզերում, դառնալու ենք մեր ժողովրդի ձայնը ԱԺ-ում. Նարեկ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
