Միհրան Պողոսյանը Հանրապետության հրապարակում տվեց նոր շարժման մեկնարկը
Ապրիլի 24-ին Հանրապետության հրապարակում նորաստեղծ Հայոց համազգային կուսակցության նախագահ Միհրան Պողոսյանի կոչով ընդվզման հավաք տեղի ունեցավ: Միհրան Պողոսյանի կոչով կազմակերպված բազմամարդ հավաքը այս օրերին Հայաստանում ընթացող քաղաքական պրոցեսների մեկնարկային դրվագն է, կարևոր հատկապես նրանով, որ մասնակցում էին հանրության ամենատարբեր շերտերի, կազմակերպությունների, կառույցների ներկայացուցիչներ, ամենատարբեր քաղաքական կենսագրություն ունեցող մարդիկ, որոնց իմի է բերել երկրի գլխին կախված գոյաբանական վտանգը:
Բողոքի հավաքին մասնակցում էին հանրության ամենատարբեր շերտերի ներկայացուցիչներ` ԱԺ նախկին պատգամավոր Գևորգ Պետրոսյանը և այլ գործիչներ: Խորհրդանշական էր «Հեղափոխության պահապաններ» կազմակերպությունից՝ Հայկ Ստեփանյանի մասնակցությունը, ով զղջալով քաղաքական ու քաղաքացիական մոլորությունների, Նիկոլ Փաշինյանի խոստումներին հավատալու և «կարմիր գծերը» հատելու համար՝ հայտարարեց. «Մեզ կարողացել է խաբել, մեզ կարողացել է մանիպուլացնել: Ես ներողություն եմ խնդրում ՀՀ ժողովրդից, որ չեմ հասկացել, ժամանակին չեմ տեսել սատանային»: Զղջման և պայքարի այս տրամադրություններն այսօր տարածվում են ողջ Հայաստանում: Երկրի ամենատարբեր կետերում դիմադրության ինքնաբուխ օջախներ են հայտնվում: Բոլորի նպատակը մեկն է՝ կանգնեցնել օրվա իշխանությունների հակապետական և ազգակործան ընթացքը, երկիրը վերադարձնել սահմանադրական հունին, իսկ քաղաքացուն՝ իր արժանապատվությունն ու վստահությունը ապագայի հանդեպ:
Հուսադրող է նաև, որ արդեն տեսանելի է դիմադրության այս օջախների միավորման, պայքարը համաժողովրդական դարձնելու ընթացքը: Միայն այդ դեպքում կարելի կլինի ակնկալել աղետաբեր ընթացքի կասեցում: Միավորման այս ընթացքի վկայությունն էր նաև Միհրան Պողոսյանի գլխավորած Հայոց Համազգային միասնություն կուսակցության հավաքը, որը, չնայած ոստիկանության աննախադեպ բռնություններին, փաստեց մասնակիցների և համախոհների՝ գործընթացն արդարացի ավարտին հասցնելու միասնական կամքը:
Արփինե Փարսադանյան
Բաց խոսակցություն պետական համակարգի հետ. Հրաչյա Ռոստոմյան
Խաղաղության պայմանագրից հետո Ադրբեջանի քաղաքացին իրավունք կունենա հող գնել ՀՀ-ում. Նարեկ Կարապետյան
«Դասավանդի՛ր հանուն Հայաստանի»-ն և «Թովմասյան» հիմնադրամը ստորագրել են հուշագիր
Ucom-ի գլխավոր տնօրեն Ռալֆ Յիրիկյանը մասնակցել է Impacture 2026 համաժողովին
Հայաստանի ընտրությունը՝ հուզական քաղաքականությո՞ւն, թե՞ պետական մտածողություն. «Փաստ»
Գնա՛ ընտրության, որ քո կամքին չբռնանան. Գոհար Մելոյան
Թույլ մի ՛ տուր՝ որոշեն քո փոխարեն․ Արթուր Դանիելյան
Վանաձորս․ Ալիկ Ալեքսանյան
Նոր աշխարհակարգի չինական առանցքը և Հայաստանի խնդիրը. «Փաստ»
Այն, ինչ Ռուսաստանն ասում է Հայաստանի մասին, իրականում միայն Հայաստանի մասին չէ․ Զելենսկի
