ԵՄ-ն չի կարողանում փակել սաhմանները չինական արևային սարքավորումների համար
Եվրամիությունն առայժմ չի կարող փակել սահմանները Չինաստանից արևային մարտկոցների և վահանակների առաքումների համար, քանի որ դրանք անհրաժեշտ են Եվրամիության կանաչ անցման խնդիրները լուծելու նպատակով։ Էներգետիկայի հարցերով եվրահանձնակատար Կադրի Սիմսոնը ԵՄ խորհրդի շենքում կայացած քննարկմանը նշել է, թե չեն կարող փակել սահմանները չինական սարքավորումների համար։ «Մենք պետք է լուծենք հարցը, թե ինչպես աջակցենք մեր արդյունաբերությանը չինական ներմուծման վտանգներից հետագայում խուսափելու համար»։
Սիմսոնը հաստատել է, որ ներքին շուկայի հարցերով եվրահանձնակատար Տիերի Բրետոնն ավելի վաղ Եվրամիության երկրներին նամակ է ուղարկել եվրոպական արդյունաբերությանն աջակցելու միջոցների առաջարկներով, որպեսզի ավելացնեն դրա մրցունակությունը չինական արտադրանքի համեմատ։
Միևնույն ժամանակ Եվրոպայում հասկանում են, որ այս պահին չունեն համապատասխան հզորություններ չինական սարքավորումների համար մաքսատուրքերը բարձրացնելու և սեփական հնարավորություններն ավելացնելու նպատակով։ Եվրամիության արտադրողներն ինքնարժեքի և աշխատուժի բարձր գների պատճառով չեն կարողանում մրցակցել չինացի գործընկերների հետ, որոնք իսկական արևային էքսպանսիա են սկսել Եվրոպայում իրենց արտադրանքի մեծ մասն արտահանելուն ԵՄ երկրներ։
Միացյալ Նահանգներում և ամերիկյան մյուս երկրներում իրավիճակն այս առումով ավելի բարվոք է։ ԱՄՆ-ն ահռելի մաքսատուրքեր է դրել չինական արևային սարքավորումների վրա և զարկ տվել սեփական արտադրությանը։ Եվրամիությանը դեռ տևական ժամանակ չի հաջողվի թոթափել կախվածությունը չինական սարքավորումներից։
Հայաստանում արևային վահանակներ արտադրող մեկ ընկերություն կա՝ «Սոլարոնը»։
Անի Պապյան
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
35-ամյա ճանապարհի ջրբաժանը. բարդագույն ներկա, անորոշ ապագա. «Փաստ»
Ալիևը չի ճանաչել Հայաստանի սահմանները․ որտե՞ղ է այն փաստաթուղթը, որի մասին խոսում է Փաշինյանը
