Նաև սեփական թիմի ներսում են փոփոխություն արել՝ հանուն «իմպիչմենթ» օպերացիայի․ «Փաստ»
«Փաստ» օրաթերթը գրում է.
Օրվա իշխանության կողմից Ալավերդիում իրականացրած «իմպիչմենթ» օպերացիայի հետ կապված նոր մանրամասներ են ի հայտ գալիս: «Փաստ» թերթի տեղեկություններով, ՔՊ-ն ոչ միայն «իրենով է արել» Ալավերդու ավագանու «Ապրելու երկիր» խմբակցության անդամներից մեկին, այլև, պարզվում է, հենց իր թիմի ներսում է փոփոխություն արել. ի մասնավորի, հեռացրել է ավագանու սկզբունքային անդամներից մեկին՝ Մարիաննա Պեպանյանին, որը դեմ է եղել համայնքի ղեկավարին՝ Արկադի Թամազյանին անվստահություն հայտնելու նախաձեռնությանը։
Ալավերդու մեր աղբյուրները տեղեկացնում են, որ այդ «գործով» ևս զբաղվել է քպական պատգամավոր Արեն Մկրտչյանը, որին օգնել է իր մայրիկը։ Ավելին, մենք տեղեկություններ ունեինք, որ ճնշումների ներքո մանդատը վայր դրած Մարիաննա Պեպանյանը ոչ թե ինքն է դիմում գրել, ինչպես պահանջում է օրենքը, այլ լիազորագիր է տվել հենց... Արեն Մկրտչյանի մայրիկին՝ Մարգարիտա Աբգարյանին։ «Փաստը» երեկ դիմեց տիկին Աբգարյանին՝ խնդրելով պատասխանել՝ որքանով են ճիշտ այս տեղեկությունները: Նախ՝ իմանալով, թե ով է զանգահարում և ինչի համար, նա ասաց, որ աշխատանքի է և չի կարող աշխատանքի ժամին պատասխանել մեր հարցերին: Մարգարիտա Աբգարյանը խնդրեց զանգահարել աշխատանքային օրվա ավարտից, այսինքն՝ 18:00-ից հետո, սակայն երեկոյան մեր զանգերը, ցավոք, այդպես էլ անպատասխան մնացին:
Մանրամասները՝ «Փաստ» օրաթերթի այսօրվա համարում
Բաց խոսակցություն պետական համակարգի հետ. Հրաչյա Ռոստոմյան
Խաղաղության պայմանագրից հետո Ադրբեջանի քաղաքացին իրավունք կունենա հող գնել ՀՀ-ում. Նարեկ Կարապետյան
«Դասավանդի՛ր հանուն Հայաստանի»-ն և «Թովմասյան» հիմնադրամը ստորագրել են հուշագիր
Ucom-ի գլխավոր տնօրեն Ռալֆ Յիրիկյանը մասնակցել է Impacture 2026 համաժողովին
Հայաստանի ընտրությունը՝ հուզական քաղաքականությո՞ւն, թե՞ պետական մտածողություն. «Փաստ»
Գնա՛ ընտրության, որ քո կամքին չբռնանան. Գոհար Մելոյան
Թույլ մի ՛ տուր՝ որոշեն քո փոխարեն․ Արթուր Դանիելյան
Վանաձորս․ Ալիկ Ալեքսանյան
Նոր աշխարհակարգի չինական առանցքը և Հայաստանի խնդիրը. «Փաստ»
Փոփոխությունը սկսվում է քեզանից․ արի՛, քվեարկի՛ր․ հունիսի 7-ին՝ համար 3-ին
