Արա Աբրահամյանի ողջույնի ուղերձը՝ «Համշեն» ամենամյա փառատոնի մասնակիցներին
Նոյեմբերի 7-ին Գագրայում տեղի է ունեցել հայկական մշակույթի և կենցաղի «Համշեն» ամենամյա փառատոնը, որին մասնակցել է Աբխազիայի նախագահ Ասլան Բաժանիան, փոխնախագահ Բադրա Գունբան և այլ բարձրաստիճան պաշտոնյաներ: Փառատոնին ներկա է եղել նաև Ռուսաստանի հայերի միության ներկայացուցչական պատվիրակությունը:
Հայկական մշակույթի և կենցաղի «Համշեն» փառատոնի կազմակերպիչներին և մասնակիցներին ողջույնի խոսք է հղել Ռուսաստանի հայերի միության նախագահ Արա Աբրահամյանը:
Ուղերձում ասվում է.
«Համաշխարհային հայկական կոնգրեսի, Ռուսաստանի հայերի միության և անձամբ իմ կողմից սրտանց ողջունում եմ «Համշեն» ամենամյա փառատոնի կազմակերպիչներին, մասնակիցներին և հյուրերին: Առանց այս փառատոնի անհնար է պատկերացնել Աբխազիայի բազմազգ մշակութային գունապնակը: Ինչպես նաև անհնար է պատկերացնել Ապսի երկրի ճակատագիրն առանց համշենահայերի, քանի որ նրանք, իրենց ուրույն և հարուստ մշակութային ժառանգությամբ, աշխատասիրությամբ, հայրենասիրությամբ և հայրենանվիրությամբ հանդիսանում են այդ հասարակության անքակտելի մասը:
Այս հրաշալի տոնակատարությունն Աբխազիայի բոլոր բնակիչներին և հյուրերին հնարավորություն է տալիս ծանոթանալ համշենահայերի մշակույթին, ավանդույթներին, խոհանոցին և արհեստներին: Համոզված եմ, որ «Համշեն» փառատոնը, որն ունի միավորող, բարոյական և քաղաքացիական որակներ դաստիարակող առաքելություն, այսուհետ էլ կտարածվի և կծառայի բարեկամության, խաղաղության և համաձայնության գաղափարներին՝ ի բարօրություն Աբխազիայի Հանրապետության և նրա ժողովրդի»:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Երկու ճանապարհ կար փողոցային պայքար սկսելու․ Նարեկ Կարապետյան
Երկիրը դիսկոտեկ չէ․ Սամվել Կարապետյան
