Աշխարհում սիմվոլիկ ակցիաների համար հատուկ թույլատվություններ չեն պահանջվում
Հանրային քաղաքական դիսկուրսում կրկին ակտիվացել են փրփուրներից կախվելու և դավադրության տեսություններ երկնելու սիրահարները։ Աշխարհում, թերևս, չկա մի երևույթ, որի տակ հնարավոր չէ ականներ դնել, որի շուրջ հնարավոր չէ դավադրություններ հյուսել, կամ, որին հնարավոր չէ որևէ հակաօրինական երևույթ մեղսագրել։
Աշխարհում հարյուրավոր են օրինակները, երբ որևէ երևույթ գովազդելու կամ հանրօգուտ որևէ երևույթ աշխուժացնելու համար քաղաքական գործիչները դիմել են բազմաթիվ հնարքների։ Օրինակ, ՀՀ նախկին վարչապետներից Տիգրան Սարգսյանը 2009թ. հոկտեմբերի 23–ին հայ–չինական արտադրության տրակտոր էր վարել, ցույց տալու համար, որ իրականում առավել անվտանգ է ցանկացած տրանսպորտային միջոց վարել ամրակապված վիճակում, նստեց ղեկին, սակայն, չկարողանալով այն կառավարել՝ շրջապտույտ կատարելիս վթարի ենթարկվեց՝ բախվելով մետաղական պատնեշին։ Ունե՞ր Տիգրան Սարգսյանը գյուղատնտեսական տեխնիկա վարելու համար համապատասխան թույլատվություն, իհարկե՝ ոչ, սակայն սիմվոլիկ միջոցառումներին և հանրության իրազեկման ակցիաների համար մեկանգամյա շեղումը չոր փաստաթղթային պահանջներից բոլոր երկրներում կիրառվում է։
Նույնատիպ հնարքի դիմեց նաև Վիտալի Կլիչկոն, երբ Կիևի քաղաքապետարանը 30 տրակտոր էր ստացել՝ քաղաքի փողոցները ձնից մաքրելու համար: Կլիչկոն, ճիշտ է, վթար չբեմադրեց, որովհետև դրա անհրաժեշտությունը չկար, սակայն անձամբ վարեց դրանցից մեկը։
Օրինակ, 2018 թվականին Ռուսաստանի նախագահը որոշել է անձամբ փորձարկել «Կալաշնիկով»-ի նոր մոդելը՝ ՍՎՉ-308 դիպուկահար հրացանը։ Ունե՞ր Վլադիմիր Պուտինը նման գործողության համար համապատասխան պատրաստվածություն և դրանք հավաստող փաստաթղթեր․ իհարկե՝ ոչ։ Սակայն հայրենական արտադրության զենքի գովազդման համար կիրառվող այս հնարքը երբեք ոչ մեկի մոտ տարակուսանք չի առաջացնում, քանզի ի սկզբանե հայտնի է պատճառը։
Կամ, Նիդեռլանդների թագավոր Վիլեմ-Ալեքսանդերն անձամբ է վարել իր երկրի պատվիրակության օդանավը, որով մեկնում էին Իսրայել։ Ճիշտ է, թագավորը ժամանակին աշխատել է որպես երկրորդ օդաչու, սակայն հետագայում չի ունեցել ինքնաթիռ վարելու պրակտիկա, և, հետևաբար, այդ պահին ինքնաթիռ վարելու թույլատվություն չի ունեցել։ Սակայն, քանի որ դա Իսրայելի պետության նկատմամբ հատուկ վերաբերմունք ընդգծելու նշան էր, ոչ մեկ այս քայլի համար հանրային աղմուկ չբարձրացրեց։
Այս բոլոր օրինակները հիշեցի՝ լրահոսում կարդալով, թե հավանաբար Տիգրան Ավինյանը չի ունեցել Գազել վարելու համար համապատասխան թույլատվություն՝ գազելների դարաշրջանի ավարտը խորհրդանշող վերջին երթուղու ժամանակ։
Աշխարհում վաղուց արդեն սովորել են ընբռնումով մոտենալ նման սիմվոլիկ ակցիաներին, իսկ մեր գերօրինապաշտ որոշ շրջանակներ ամեն ինչից կախվելու առիթներ են որոնում։
Սակայն աշխարհը պարփակված չէ միայն այդ մարդկանց շահերով։ Կարելի է պարզապես ուսումնասիրել աշխարհի փորձը և․․․ ձևավորել սեփական կարծիքը։
Անի Խառատյան
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Հայկ Կազազյանը՝ Մադեյրայի դասական նվագախմբի 2025/2026 համերգաշրջանի փակման համերգի մենակատար
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Վիեննական երեկո Կապանում դիմակահանդես և վալս
ԶՊՄԿ-ի մշտական այցելուների թվում են ՀՊՏՀ-ի ուսանողներն ու դասախոսները
Յունիբանկը կխաղարկի ուղևորություն դեպի Իտալիա
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Լինելու ենք Հայաստանի բոլոր մարզերում, դառնալու ենք մեր ժողովրդի ձայնը ԱԺ-ում. Նարեկ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Պետության կողմից ստեղծվել է արհեստական աղմուկ Ավետիք Չալաբյանի անունը արատավորելու համար. Անահիտ Ադա...
