Օտարերկրյա քաղաքացիները մուտքի վիզա կստանան Հայաստանի սահմանին. «Փաստ»
«Փաստ» օրաթերթը գրում է.
Ճանապարհորդելու ժամանակ տեղեկատվության պակասը ավելորդ անհանգստության պատճառ է հանդիսանում: Ու թեև թվում է, թե ամեն ինչ գիտենք, սակայն որոշ հարցերի դեպքում պարզվում է, որ այնուամենայնիվ դեռ չպարզաբանված հարցեր լինում են, ու բավականին շատ:
Օրերս «Փաստ» օրաթերթի խմբագրությանն էր դիմել Ավստրալիայի մի քաղաքացի և ուզում էր պարզել, թե առանց նախապես Հայաստանի մուտքի արտոնագիր ստանալու կարո՞ղ է ճանապարհորդել հայրենիք, թե նախօրոք պետք է իր երկրում դիմի պատկան մարմիններին՝ Հայաստանի մուտքի արտոնագիր ստանալու համար:
ՀՀ ոստիկանության Անձնագրային և վիզաների վարչության պետ Մնացական Բիչախչյանը «Փաստի» հարցերին ի պատասխան տեղեկացրեց, որ արտերկրի քաղաքացիություն ունեցող բոլոր անձինք կարող են առանց նախօրոք Հայաստանի մուտքի արտոնագիր ունենալու ուղևորվել դեպի Հայաստան:
«Արտերկրի բոլոր քաղաքացիները երկիր մուտք գործելու ժամանակ Հայաստանի մուտքի արտոնագիր կստանան սահմանին»,– ասաց Մ. Բիչախչյանը:
Նա նաև տեղեկացրեց, որ 21–օրյա վիզայի համար զբոսաշրջիկները պետք է վճարեն 3000 դրամ, իսկ 6 շաբաթվա համար գանձվում է 15000 դրամ:
Ինչ վերաբերում է հայաստանից արտերկիր մեկնողների իրավունքներին, ապա տեղեկացնենք, որ ինչպես ԱՄՆ, այնպես էլ այլ երկրներ մեկնելու համար պարտադիր չէ անպայման կենսաչափական անձնագիր ունենալ:
Բացի այդ, Հայաստանի մարզերի բնակիչները անձնագիրն առավել սեղմ ժամկետներում ստանալու համար այլևս Երևան չեն հասնելու: Այժմ անձնագիրը, լրացուցիչ վճարի դիմաց առավել սեղմ ժամկետում՝ երրորդ աշխատանքային օրը, ստանալու համար քաղաքացին կարող է դիմել մարզերում տեղակայված անձնագրային ծառայություններ, ինչը զերծ է պահում Երևան հասնելու նպատակով լրացուցիչ ծախս կատարելուց:
Ի դեպ, մարզերում տեղակայված անձնագրային ծառայություններում կան կոնկրետ օրեր, որ հնարավոր չէ կնքել եռօրյա պայմանագիր: Այդ օրերի մասին լրացուցիչ տեղեկություն ստանալու համար հարկավոր է դիմել անձնագրային ծառայություն:
Երրորդ աշխատանքային օրը անձնագիր ստանալու լրացուցիչ վճարը կազմում է 10000 դրամ, իսկ կորստյան հիմքով նշված ժամկետում անձնագիր ստանալու դեպքում լրացուցիչ վճարը կազմում է 50000 դրամ:
Շարունակությունը` «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
