Վարչապետի գլխավոր խորհրդականի կինը 25 միլիոն դրամի շահաբաժին ունի. «Փաստ»

«Փաստ» օրաթերթը գրում է.

Վարչապետի խորհրդական Էդուարդ Ներսիսյանը, ով մեկ ամիս առաջ կարիերայում առաջընթաց է արձանագրել` դառնալով գլխավոր խորհրդական, Բարձրաստիճան պաշտոնատար անձանց էթիկայի հանձնաժողով է ներկայացրել իր պաշտոնը ստանձնելու 2017 թ. հայտարարագիրը:

Այսպես, Ներսիսյանը հայտարարագրել է բնակարան և 3 հազար ամերիկյան դոլար դրամական միջոցներ: Պաշտոնը ստանձնելու օրվա՝ հունիսի 13–ի դրությամբ ունեցել է 2 միլիոն 329 հազար դրամ եկամուտ, որը ստացվել է աշխատավարձից:

Կինը՝ Անուշ Աթայանը, նույնպես ներկայացրել է իր հայտարարագիրը, սակայն՝ 2016 թ. տարեկանը: Նա հայտարարագրել է 28 հազար 110 ԱՄՆ դոլար և 881 հազար 800 դրամ դրամական միջոցներ, իսկ եկամուտները կազմել են 29 միլիոն 870 հազար դրամ, որից 25 միլիոն դրամը շահաբաժինն է, իսկ 4 միլիոն 870 հազար դրամը՝ տարեկան աշխատավարձ:

Շարունակությունը` «Փաստ» օրաթերթի այսօրվա համարում