Պատգամավորը 3 ավտոմեքենա է հայտարարագրել և ավելի քան 1 միլիարդ դրամ. «Փաստ»

«Փաստ» օրաթերթը գրում է.

Աժ պատգամավոր դարձած Դավիթ Մանուկյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր պաշտոնը ստանձնելու 2017 թ. հայտարարագիրը: Ըստ այդմ պատգամավորն ունի երկու հողամաս և երեք ավտոմեքենա՝ «LEXUS LS 600 HL», «MERCEDES–BENZ S 600 L» և «RANGE ROVER 4.6 HSE» մակնիշների:

Դրամական միջոցները պաշտոնը ստանձնելու օրվա դրությամբ կազմել են 25 միլիոն դրամ, 300 հազար եվրո և 2 միլիոն 300 հազար ամերիկյան դոլար, իսկ տարեկան եկամուտներ նա չի ունեցել:

Մանուկյանի հայրը նույնպես պաշտոնյա է՝ Անդրանիկ Մանուկյանը դիվանագետ է և զբաղեցնում է Ուկրաինայում ՀՀ արտակարգ և լիազոր դեսպանի պաշտոնը:

Նշենք, որ նորընտիր պատգամավորը ընդամենը 33 տարեկան է, մասնագիտությամբ քաղաքագետ է, իսկ ըստ պաշտոնական կենսագրության՝ մինչ պատգամավոր դառնալը որևէ աշխատանք չի ունեցել:

Շարունակությունը` «Փաստ» օրաթերթի այսօրվա համարում