Ինչպե՞ս հեռացնել Փաշինյանին․ Դեղատոմս Ավետիք Չալաբյանից
Նիկոլ Փաշինյանին իշխանությունից հեռացնելու առավել խելամիտ ճանապարհը նրան Ազգային ժողովում անվստահություն հայտնելն է։
Օրերս «ԱՐԱՐ» հիմնադրամի համահիմնադիր, հասարակական-քաղաքական գորշիչ Ավետիք Չալաբյանն է այս մասին նշել՝ հավելելով, թե դրա համար անհրաժեշտ է, որ ՔՊ ներկայիս խմբակցության մոտ 20 պատգամավոր անջատվեն նրանից, առանձին պատգամավորական խումբ ստեղծեն, և բանակցությունների մեջ մտնեն ԱԺ ընդդիմադիր խմբակցությունների հետ՝ նոր վարչապետի թեկնածություն համաձայնեցնելու։
Հասարակական-քաղաքական գործչի գնահատմամբ, դա կարող է լինել քաղաքական հեղինակություն վայելող ցանկացած կոմպրոմիսային անձ, որն ընդունելի կլինի հիմնական քաղաքական ուժերի համար, և որի շուրջը կձևավորվի ներկայացուցչական հակաճգնաժամային կառավարություն՝ արտաքին ագրեսիային դիմագրավելու և երկիրը Փաշինյանի ստեղծած անվտանգային աղետից հանելու մանդատով։
«Իրական խնդիրը այստեղ ոչ այնքան նոր վարչապետի անձն է (նրա շուրջ կարելի է ձևավորել ժամանակավոր համաձայնություն), որքան այն 20 պատգամավորները, որոնք պատրաստ կլինեն դեմ գնալ Փաշինյանին, հաղթահարել իրենց վախերը, և պատասխանատվություն ստանձնել երկրի ապագայի համար»,- նշում է Չալաբյանը։
Նա, թերևս, նշում է, ամենահեշտ և օրինական եղանակը՝ ինչպես ազատվել Հայաստանի և Արցախի վրա բեռ դարձած վարչախմբի պարագլխից։ Խնդիրը, սակայն, անգամ բարոյական հարթության մեջ լուծելի չէ։ ՔՊ պատգամավորների առյուծի բաժինը երբեք էլ աչքի չի ընկել սկզբունքայնությամբ կամ հավատարմությամբ, և հաճույքով կթռչի Նիկոլ Փաշինյանի կողքից՝ չվախենալով նույնիսկ կոմպրոմատների հսկա քանակությունից, որ վարչապմբի առաջնորդը հավաքել է կուսակիցների դեմ։
Քսան կամ ավելի պատգամավորներին կարելի է քաշել ընդդիմության կողմը միայն այն դեպքում, երբ նրանք հստակ երաշխիքներ ունենան կամ էլ քաղաքական իրավիճակի սրումից գլխի ընկնեն, որ թռչելու ժամանակն է։ Մինչ այդ բոլոր պատգամավորներն էլ հլու-հնազանդ ծառայելու են ապիկար և դավաճանական իշխանությանը։
Արամ Բարսեղյան
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
Երկու ճանապարհ կար փողոցային պայքար սկսելու․ Նարեկ Կարապետյան
