Հայաստանի ամենամեծ հարստությունը իր բարեխիղճ տնտեսվարողներն են
Հայաստանի ամենամեծ հարստությունը իր բարեխիղճ տնտեսվարողներն են, գործարարները, մարդիկ, ովքեր հանրային բարիք են ստեղծում և ապահովում պետական եկամուտները, հարկային մուտքերը, ինչպես նաև մեծաթիվ աշխատատեղեր են ստեղծում, որտեղ մեր հանրության աշխատասեր հատվածը կարողանում է աշխատել և պահել իր ընտանիքը։
Հայաստանի 1000 խոշոր հարկատուների մեջ բազմաթիվ են ընկերությունները, որոնք ստեղծվել են զրոյից, մեկ կամ երկու անձանց համառության, տքնաջան աշխատանքի շնորհիվ։
«Ռեդի-Սթեդի» անվանումը շատերին ոչինչ չի ասի, սակայն այդ ընկերության ապրանքանիշը գրեթե բոլորին է հայտնի։
«Արտլանչ» ընկերությունը այս տարվա առաջին կիսամյակում պետական բյուջե է վճարել 769 միլիոն դրամից ավելի գումար։ Նախորդ տարի գրեթե նույնքան՝ 791 միլիոն դրամ էր վճարել ընկերությունը։
«Արտլանչ»-ն այն եզակի ընկերություններից է, որն աշխատում է ոչ միայն հանրային ոլորտում՝ սննդամթերք ապահովելով թե՛ պետական կառույցներին, հաստատություններին, շարքային քաղաքացիներին, այլ նաև աշխատում է Հայաստանի զինված ուժերի հետ՝ զգալիորեն բարձրացնելով զինվորին հատկացվող կերակրի որակը։
Չկա մի զորամաս, որտեղ «Արտլանչ»-ը սպասարկում է իրականացնում, և զինվորները դժգոհ են սննդի որակից, ընդհակառակը՝ հաշվի առնելով տասնամյակներ շարունակ Հայաստանի զինվորներին մատակարարվող հացի որակը, կարելի է այժմ ասել, որ զինվորին անհամեմատ ավելի լավ է կերակրում, քան նույնիսկ նրանց սեփական տանը։
«Արտլանչ» ընկերությունը նաև աշխատում է մի քանի այլ ուղղություններով՝ այդ թվում հյուրանոցային, հյուրատնային բիզնեսի ոլորտում, քաթերինգի ոլորտում, և ընկերությունը ահռելի հարկային եկամուտներ է ապահովել պետական բյուջեի համար։ Այս առումով էական նշանակություն ունի պետության առանձնահատուկ ուշադրությունը նման ընկերությունների նկատմամբ, որպեսզի պաշտպանվեն ոչ միայն «Արտլանչ»-ի և մյուս նմանատիպ ընկերությունների բիզնես շահերը, այլ նաև գործարար համբավը։
Կարծում ենք, որ ժամանակն է Հայաստանում օրենսդրական կարգավորումներով առանձնահատուկ կարգավիճակ տան բարեխիղճ ընկերություններին, նրանց մասին կեղծ տեղեկություններ տարածողներին հրապարակավ պատժեն, որպեսզի այլևս երբեք որևէ մեկը տան բազմոցին պառկած, կամ համակարգչի առջևից չհամարձակվի անվանարկել իսկապես աշխատող և բարիք ստեղծող ընկերություններին։
Նորայր Ավետիսյան
Հայկ Կազազյանը՝ Մադեյրայի դասական նվագախմբի 2025/2026 համերգաշրջանի փակման համերգի մենակատար
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Վիեննական երեկո Կապանում դիմակահանդես և վալս
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Գյուղական բնակավայրերում աշակերտների սովորելու ձգտումն ավելի մեծ է, քան Երևանում. Ատոմ Մխիթարյան
Յունիբանկը կխաղարկի ուղևորություն դեպի Իտալիա
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Լինելու ենք Հայաստանի բոլոր մարզերում, դառնալու ենք մեր ժողովրդի ձայնը ԱԺ-ում. Նարեկ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Պետության կողմից ստեղծվել է արհեստական աղմուկ Ավետիք Չալաբյանի անունը արատավորելու համար. Անահիտ Ադա...
