Պատգամավոր Նաիրի Սահակյանը 31 միավոր անշարժ գույք է հայտարարագրել. «Փաստ»

«Փաստ» օրաթերթը գրում է.

Մայիսի 18–ին պատգամավորի մանդատը ստանձնած Նաիրի Սահակյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր պաշտոնը ստանձնելու 2017 թ. հայտարարագիրը:

Ըստ հայտարարագրի՝ Սահակյանն ունի ոչ ավել ոչ պակաս 31 միավոր անշարժ գույք, որի մեջ գերակշռում են հողամասերը: Դրանք թվով 25–ն են: Մնացած վեցի մեջ են մտնում առանձնատունը, բնակարանը, հասարակական նշանակության երկու և արտադրական նշանակության մեկ շինությունը, ինչպես նաև նոր կառուցված և անշարժ գույքի կադաստր վարող լիազոր մարմնի կողմից հաշվառված շինությունը:

Քիչ չեն նաև Սահակյանի ավտոմեքենաները՝ նա հայտարարագրել է 3 մարդատար և մեկ բեռնատար ավտոմեքենա՝ «NISSAN ARMADA 5.6», «INFINITI QX 56», «VAZ 21063» և «MAZ 5205» մակնիշների:

Ի դեպ, նա պաշտոնը ստանձնելու օրվա դրությամբ դրամական միջոցներ չի ունեցել, իսկ եկամուտները կազմել են 3 միլիոն 360 հազար դրամ և ստացվել 60 հազար 480 դրամ աշխատավարձից և 3 միլիոն 300 հազար դրամ վարձակալության դիմաց ստացված վճարներից:

Նշենք, որ նա մինչ պատգամավոր դառնալը ղեկավարել է իր հիմնադրած «Ես և Նա» ՍՊԸ–ն:

 Շարունակությունը` «Փաստ» օրաթերթի այսօրվա համարում