Մուշեղ Սաղաթելյան. «ՀՀԿ–ում ծվարած թալանչիների մի մասը կգնա բանտ». «Փաստ»
«Փաստ» օրաթերթը գրում է.
ՀՀ կալանավայրերի վարչության նախկին պետ, «Մարտի 1–ի» քրեական գործով նախկին բանտարկյալ Մուշեղ Սաղաթելյանի կարծիքով` անկախությունից ի վեր մեր երկրի մինուճար զավակը՝ բանակը, բավականին նեղության մեջ է, իսկ քաղաքական դաշտը դեռևս նման է «աջաբսանդալի»: Հետևելով լրատվությանը, նա հանգել է այն եզրակացության, որ ՀՀԿ–ի կյանքը մոտենում է ավարտին, իսկ կուսակցությունների միավորման գործընթացը, նրա կարծիքով, խոսում է երկրում սպասվող դրական տեղաշարժերի մասին:
«Ես ուրախ եմ, որ կուսակցությունները միավորվում են, քանի որ արդյունքներն ավելի լավը կլինեն: Նոր կուսակցությունների միավորումները կպայքարեն իրենց շահերի համար և կստեղծվի մի մեծ ուժ, որը ընտրությունների ժամանակ կպայքարի անարդարությունների դեմ: Այսինքն՝ անարդարությունների դեմ պայքարող ուժ է ծնվում, որի համար ես շատ ուրախ եմ»,– «Փաստի» հետ զրույցում ասաց Մուշեղ Սաղաթելյանը:
Նրա կանխատեսմամբ մինչև 2017 թ. ԱԺ ընտրությունները ՀՀԿ–ն կկորցնի իր թիմի մեծամասնությանը, քանի որ այդ կուսակցությունում ծվարած գողերի, թալանչիների և ավազակների մի մասը կգնա բանտ, մի մասը` կփախչի այլ երկրներ, իսկ մի մասն էլ կփորձի թաքնվել իր պատյանի մեջ:
«Շուտով Հանրապետական կուսակցությունը կկորցնի իր դիրքերը և կընկնի աժիոտաժի մեջ: Հիմա ներքին տուսովկաներ են ընթանում: Այսքանով կվերջանա մաքրման պրոցեսը, որը տեղի կունենա միայն այդ կուսակցությունում»,– ասում է Մ. Սաղաթելյանը:
Խոսելով ՀՀԿ–ի` գողերի ու ավազակների այլ կուսակցություններում «տեղավորվելու» և այդպիսով կրկին իրենց համար ԱԺ–ի տաքուկ և անվտանգ անկյուններում ծվարելու հեռանկարի մասին, ասաց, որ նման մարդիկ այնքան մրոտված են, որ իրենց համար այս կամ այն տեղում տեղավորվելը բավականին դժվար կլինի:
«Չեն կարողանա տեղավորվել, բայց այն անհատականությունները, որոնց բիզնեսն իրենց քաղաքականությունն է, կմնան քաղաքականության մեջ: Ի դեպ, ես նկատի չունեմ այն անձանց, ովքեր բիզնես ունեն, այլ նրանց, ովքեր առանց բիզնեսի բավականին հարստություն են կուտակել: Նրանք են վտանգավոր»,– ասում է Մ. Սաղաթելյանը:
Քաղաքական գործչի կարծիքով` այդ վտանգավորության բարձր աստիճան ունեցող ՀՀԿ–ական «գողերը» ոչ թե իրենց կամքով կհեռանան, այլ նրանց կմաքրեն իշխանության եկած նոր ուժերը:
«Նոր վարչապետ Կարեն Կարապետյանը բացահայտ հայտարարում է այդ մասին: Հարցը, ի դեպ, ՀՀԿ–ն չէ, այլ՝ թե ովքեր են այդ ՀՀԿ–ի մեջ: Եվ երբեք պետք չէ լավատեսությունը և հույսը կտրել, քանի որ աշխարհի ամենահզոր զենքը հույսն է»,– ասում է Մ. Սաղաթելյանը:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
