Ավետիք Չալաբյանին պատժում են կալանքով, գործը փլուզվելու է
«ԱՐԱՐ» հիմնադրամի համահիմնադիր, հասարակական-քաղաքական գործիչ Ավետիք Չալաբյանին պատժում են իր քաղաքական հայացքների համար։
«Այլընտրանքային նախագծեր» խումբն է երեկ հայտարարություն տարածել՝ նշելով, որ փաշինյանական Հայաստանում արդարադատությունը վերածվում է Դոկտոր Մենգելեի։
Խումբը մանրամասն անդրադարձել է բոլոր քաղբանտարկյալների գործերին, յուրաքանչյուր դեպքում նշել, որ բացարձակապես ապօրինություն է իրականացվում։
Ավետիք Չալաբյանի մասով նշվել է, թե ամեն գնով պատասխանատվության ենթարկելու համար քրեական օրենսգրքում արտահերթ նիստով հոդված են ավելացնում։ Դատավորը քաղաքական պատվերի շրջանակում երկարացնում է կալանքը 10 օրով, իսկ թե ինչո՞ւ, նույնիսկ ինքը չգիտի և չի կարողանում հիմնավորել։
«Կալանքով պատժել է պետք, մեր աչքի առաջ ընթացող պրոցեսներից կարելի է եզրահանգել, որ այս միջոցը կիրառվում է հատկապես այն գործերով, որոնք ջուր են, չունեն ապացուցողական բազա և դատական քննության պրոցեսում քանդվելու են, շատերը հավանաբար չեն ստանա ազատազրկման ժամկետ, իսկ մինչ այդ, քանի դեռ կա հնարավորություն մարդկանց պետք է պատժել, ընդհուպ մինչև մահ»,- արձանագրել է «Այլընտրանքային նախագծեր» խումբը։
Ըստ էության, բազմիցս արձանագրել ենք, որ Ավետիք Չալաբյանի դեմ հարուցված քրեական գործը ոչ այլ ինչ է, քան լիակատար անհեթեթություն և սպառնում է դառնալ Հայաստանի քրեական իրավունքի պատմության ամենատարօրինակ գործերից մեկը։
Որևէ դատավոր հանձն չէր առնի ստանձնել այս գործի քննությունը դատարանում, բացառությունը թերևս միակն էր՝ Մնացական Մարտիրոսյանը, որին էլ մակագրվել է գործը։
Առայժմ հայտնի չէ, թե երբ է կայանալու դատական առաջին նիստը, սակայն վստահաբար կարելի է նշել, որ Չալաբյանի փաստաբանները իսկական շոու են ապահովելու։
Դատական նիստերում ապացուցելու են Հայաստանի իշխանությունների ապիկար և ապօրինի բնույթը՝ ներկայացնելով, թե ի՞նչ է իրականում կատարվել հասարակական-քաղաքական գործիչ Ավետիք Չալաբյանի նկատմամբ, և ո՞րն է պատճառը, որ նա հետապնդումների է ենթարկվում։
Լևոն Ավետիսյան
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
Երկու ճանապարհ կար փողոցային պայքար սկսելու․ Նարեկ Կարապետյան
