Բայդենի ուղերձից հետո Անկարայից մեկը մյուսի հետևից քննադատություններ են հնչում
Թուրքիայի բարձր ղեկավարությունը շարունակում է արձագանքել Միացյալ Նահանգների նախագահի ապրիլքսանչորսյան ուղերձին, թեև Ջո Բայդենը արդեն երկրորդ տարին է, որ կիրառում է «ցեղասպանություն» բառը։ Արտգործնախարարից հետո այսօր էլ Թուրքիայի պաշտպանության նախարարն է հայտարարել, թե «ցեղասպանության մասին պնդումներն անհիմն են, և թուրքական պատմությունը մաքուր է»:
«Ակնկալում ենք, որ բոլորը կտեսնեն այս թեմայով մեր պատմաբանների ներկայացրած իրողությունները: Այդ պնդումները առաջ քաշողները պատմությունից թշնամություն են քաղում: Այս գործելակերպը ոչ մի կերպ չի ծառայում տարածաշրջանային և համաշխարհային խաղաղությանը», - ասել է Հուլուսի Աքարը:
Նա պնդել է, թե «ԱՄՆ աղբյուրներում 1915 թվականին վերաբերող աշխատություններ կան, որտեղ նույնպես չկա ցեղասպանություն ձևակերպումը»: Նրա համոզմամբ` ներկայումս այդ իրադարձությունները քաղաքական նպատակներով խեղաթյուրվում են. «Մեր պատմությունը մաքուր է, ամաչելու ոչինչ չունենք»:
Միացյալ Նահանգների նախագահի ուղերձից հետո Անկարայից մեկը մյուսի հետևից քննադատություններ հնչեցին: Առավել կոշտ բառապաշար օգտագործել է Թուրքիայի նախագահականի խոսնակ Իբրահիմ Քալընը՝ ԱՄՆ-ին կոչ անելով հայելու մեջ նայել:
«Միլոնավոր մարդկանց մահվան տանող, համաշխարհային պատերազմներ հարուցող, զանգվածային ոչնչացման զենքեր սարքող, ատոմային ռումբ կիրառող, ստրկավաճառություն անող, մարդկանց գազանանոցներում ցուցադրող ժամանակակից բարբարոսներ: Մեր պատմության մեջ ցեղասպանության, էթնիկ զտման, Հոլոքոստի բիծ չկա»,- Թվիթերում գրել է Քալընը:
Իսկ Թուրքիայի արտգործնախարար Մևլութ Չավուշօղլուն Թվիթերում արևմտյան առաջնորդներին, մասնավորապես Ջո Բայդենին և Էմանյուել Մակրոնին մեղադրել էր երկերեսանի մոտեցման համար:
«Արևմտյան որոշ առաջնորդներ վերջերս պաշտպանում են այն տեսակետը, որ «ցեղասպանությունը» միայն դատարանի որոշմամբ կարող է հաստատվել։ Ճիշտ է։ Բայց նույն մարդիկ 1915 թվականի դեպքերի համար քաղաքական դրդապատճառներով օգտագործել են «ցեղասպանություն» բառը՝ առանց իրավասու դատարանի որոշման, և սա նրանց երկերեսանիության ամենացայտուն օրինակն է»,- գրել էր Չավուշօղլուն։
Ավելի վաղ նաև Թուրքիայի ԱԳ նախարարությունն էր հայտարարություն տարածել՝ դատապարտելով «քաղաքական նպատակներով պատմական իրողությունները խեղաթյուրող նմանօրինակ հայտարարություններն ու որոշումները»:
Արտաքին գերատեսչությունն ընդգծել էր, թե «Թուրքիան հարգանքով հիշում է օսմանյան բոլոր քաղաքացիների, այդ թվում` հայերի ապրած ցավերը և մերժում է այդ վիշտը քաղաքականության նյութ դարձնելու փորձերը»:
«Թուրքիան ջանքեր է գործադրում տարածաշրջանում ու աշխարհում խաղաղության և կայունության հաստատման համար: Հայաստանի հետ սկսված կարգավորման գործընթացը այս մտադրության ևս մեկ ցուցիչ է»,- ասված էր հայտարարության մեջ:
Բաց խոսակցություն պետական համակարգի հետ. Հրաչյա Ռոստոմյան
«Դասավանդի՛ր հանուն Հայաստանի»-ն և «Թովմասյան» հիմնադրամը ստորագրել են հուշագիր
Ucom-ի գլխավոր տնօրեն Ռալֆ Յիրիկյանը մասնակցել է Impacture 2026 համաժողովին
Գնա՛ ընտրության, որ քո կամքին չբռնանան. Գոհար Մելոյան
Թույլ մի ՛ տուր՝ որոշեն քո փոխարեն․ Արթուր Դանիելյան
Վանաձորս․ Ալիկ Ալեքսանյան
Փոփոխությունը սկսվում է քեզանից․ արի՛, քվեարկի՛ր․ հունիսի 7-ին՝ համար 3-ին
Հունիսի 3-ին մենք նշում ենք մեր մեծ հաղթանակի սկիզբը. Սամվել Կարապետյան
Երևանում Մարգարյան-Հալաբյան փողոցների խաչմերուկում բшխվել են «Tesla»-ն, «Subaru»-ն և «Honda»-ն
«Շատ մարդկային վերաբերմունք ունես». Խնձորեսկի տարեց բնակիչը գովեց Մարուքյանին
