ՀՀ վաստակավոր արտիստ, երգիչ, երգահան Հայկոյի նախկին կինը` երգչուհի, դիզայներ Անահիտ Սիմոնյանն Ինստագրամի իր էջում նոր հրապարակում է արել տեքստային լուսանկարների շարքով, որում նշել է, որ ինքը պարտավոր է շարունակել ապրել ու պարտավոր է աշխատել ավելի շատ՝ իրենց երկուսի փոխարեն իրենց որդուն բարեկեցիկ կյանք ապահովելու համար:
«Կյանքում միշտ չէ, որ ամեն ինչ մեր երազածով ու պատկերացրածով է տեղի ունենում: Կյանքը երբեմն շատ դաժան հարված կարող է հասցնել մեզ։ Ես հավատում եմ՝ մենք մի օր կհանդիպենք, և ոչ ոք չգիտի ու չի կարող կանխատեսել, թե մեզ համար սովորական օրերից կոնկրետ որ օրը դա տեղի կունենա։
Այդ պատճառով մենք պետք է չմոռանանք գնահատել կյանքը, գնահատել հարազատներին, խոսել այն մասին, թե որքան շատ ենք սիրում նրանց, որպեսզի հետո ուշ չլինի, քանի որ ամեն օրն Աստծո պարգևն է…
Ես չեմ նեղանում Աստծուց, որ նա իմ երեխային առանց հոր թողեց, քանի որ դա նրա կամքն էր․․․
Թեև չեմ կարողանում համակերպվել տեղի ունեցածի հետ, բայց, այլևս ոչինչ փոխել ու վերադարձնել հնարավոր չէ:
Ես պատրաստ չեմ եղել այդ հարվածին, բայց Աստված ինձ ուժեղ է ստեղծել և երկար տարիներ թրծել, որ կարողանամ դիմանալ այս ցավին և տղայիս համար դառնալ ուժեղ մայր, քանի որ հայրիկին ոչ ոք չի կարող փոխարինել այս աշխարհում:
Հայկոն նույնպես գիտեր, որ ես ուժեղ եմ, և նա շատ կտխրեր՝ տեսնելով ինձ կոտրված ու անօգնական, ինչպիսին եղել եմ հիվանդանոցում նրա գտնվելու և նրա մահվան մասին լսելու ժամանակ։
Հիմա ես հավաքել եմ ինձ և սկսում եմ ապրել նորովի: Ես նորովի կնայեմ աշխարհին, նորովի կզգամ իմ երեխային, նորովի կտեսնեմ այն ամենը, ինչ շրջապատում է ինձ, ցավոք, նորովի կապրեմ առանց նրա:
Իմ աշխարհում որդիս միայն բարին կտեսնի, իմ որդին կլինի հայրենասեր և իր հայրենիքի պաշտպան՝ կոփված կյանքի ցանկացած բարդության դեմ։ Ես ոչ ոքի թույլ չեմ տա մեզ նեղացնել:
Ես ավելի շատ կաշխատեմ, կզարգանամ, կշարունակեմ ընդլայնել իմ բիզնեսները հանուն իմ երեխայի լավ ապագայի, քանի որ նրա կարիքները ես եմ միայն հոգալու:
Ամուր կպահեմ հիշողությունները և կշարունակեմ կիսվել մեր արխիվային լուսանկարներով ու նրա արվեստով, այսուհետ մենք լիարժեք ռեժիմով կաշխատենք և միայն առաջ կգնանք։ Կհանդիպենք շուտով»,- գրել է Անահիտ Սիմոնյանը
Հիշեցնենք, երգիչ-երգահան Հայկոն մահացել էր սեպտեմբերի 29-ին, 48 տարեկան հասակում, կորոնավիրուսից առաջացած բարդությունների հետևանքով:
Ավելին՝ այստեղ
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
