26-ամյա նիգերիացին իրեն վաճառքի է հանել 49 000 դոլարով

Վերջերս Նիգերիայում 26-ամյա մի երիտասարդ ձերբակալվել է իսլամական ոստիկանության կողմից, որը հայտնի է Հիսբա անունով՝ փորձելով իրեն վաճառել  20 միլիոն նիգերիական նաիրայով (49 000 դոլար), գրում է Oddity Central-ը:

Ալիու Նա Իդրիսն առաջին անգամ հայտնվել է նորությունների վերնագրերում հոկտեմբերի վերջին, երբ նրան նկատել են Կարո քաղաքով ստվարաթղթե ցուցանակով քայլելիս: Դրա վրա գրված էր «այս մարդը վաճառվում է 20 000 000 նաիրայով»: Այն ժամանակ 26-ամյա երիտասարդը, որը դերձակ է աշխատում, լրագրողներին պատմել է, որ սկզբում փորձել է վաճառել իրեն Կադունա քաղաքում, բայց գնորդ չի գտել, ուստի տեղափոխվել է Կարո։

Նա նաև բացատրել է, որ ինքն իրեն վաճառելու հուսահատ քյալին է դիմել աղքատության պատճառով՝ պնդելով, որ ծրագրել է գումարի մեծ մասը տալ ծնողներին, իսկ մնացածը պահել առօրյա ծախսերի համար։

«Ինձ վաճառելու որոշումը եղել է աղքատության պատճառով: Ես նախատեսում եմ ծնողներիս տալ 10 միլիոն նաիրա, երբ ի վերջո գնորդ գտնեմ, հինգ միլիոն նաիրա վճարեմ որպես հարկ կառավարությանը, երկու միլիոն նաիրա տամ բոլորին, ովքեր օգնել են ինձ գնորդ ձեռք բերել, իսկ մնացածը կպահեմ ամենօրյա պահպանման համար»,-պատմել է երիտասարդը:

Սակայն նա չի կարողացել իրականացնել իր ծրագիրը, քանի որ այն բանից հետո, երբ իր մտադրությունների մասին լուրերը տարածվել են սոցիալական ցանցերում, նրան բռնել է Հիսբա բրիգադը՝ իսլամի կանոնները խախտելու համար:

«Այո, մենք նրան ձերբակալել ենք։ Այն, ինչ նա արել է, արգելված է իսլամում, դուք չեք կարող փորձել վաճառել ինքներդ ձեզ՝ անկախ ձեր վիճակից և իրավիճակից», - BBC-ին ասել է Հիսբահի հրամանատար Հարուն Իբն Սինան: