Նոյեմբերի 3-ին Ժամանակակից արվեստի թանգարանում տեղի ունեցավ ֆրանսիական «Պարադիզ» օղու շնորհանդեսը։
Նոյեմբերի 3-ին Ժամանակակից արվեստի թանգարանում տեղի ունեցավ ֆրանսիական «Պարադիզ» օղու շնորհանդեսը։ Արթուր Ավետյանը, ով ֆրանսիական խմիչքների ոլորտում բավականին հարուստ կենսագրություն ունի և Ֆրանսիայում համարվում է լավագույն խմիչքներ ստեղծող, ընկերոջ՝ իսպանահայ գործարար Արման Մայիլյանի հետ համատեղ իրագործեցին նոր բրենդի ստեղծումը, որը շատ կարճ ժամանակում, ըստ ֆրանսիական Քարֆուրի` հասցրեց դառնալ աշխարհում առաջատար համարվող Grey Gosse և Belvedere ապրանքանիշների ամենամեծ մրցակիցը։
Գործարար Արման Մայիլյանն իր խոսքում շնորհակալություն հայտնեց ներկաներին, ապա հավելեց․ «Յուրաքանչյուր հայ գործարարի հաջողությունն առավել ևս Հայաստանի սահմաններից դուրս՝ Եվրոպայում, նախևառաջ Հայաստանի Հանրապետության և ժողովրդի հաջողությունն է։ Հետևաբար, ամեն օր պետք է արթնանալ այն մտքով, որ այսօր մի քայլով ևս մոտենալու ենք մեր նպատակներին։ Պարզապես, պետք է ունենալ ձգտում, համառություն ու աշխատասիրություն»,- ասաց նա:
Լինելով հայ ու խմիչքի արտադրության ոլորտում կրելով ֆրանսիական մշակույթը՝ Արթուր Ավետյանի համար մեծ պատասխանատվություն է հայրենիքում լավագույնս ներկայացված լինելը․ «Իմ գործում ամեն բան փորձել եմ հասցնել մշակութային արժեքի, արվեստի մակարդակի։ Վստահ եմ, որ «Պարադիզ»-ը կփոխի օղի խմելու մշակույթն՝ այն բարձրացնելով ուրիշ հարթության վրա»,- իր խոսքում նշեց Ավետյանը։
Ըստ նրա՝ հաջողության հասնելու գրավականը երազելն է ու երազանքին հավատացողներ ունենալը․ «Եթե ուզում ես բիզնես ծավալել` պետք է ուղղակի զբաղվես առևտրով, եթե ուզում ես հասնել մեծագույն հաջողությունների` պետք է երազես»,- ասաց Ավետյանը։
«Պարադիզ»-ի հայաստանյան ներկայացուցիչ Աշոտ Օսիպյանն էլ ընդգծեց՝ Արթուր Ավետյանի հետ իրենց միավորել է մշակույթը, քաղաքականությունն ու պատմությունը․ «Ունենք երկու նպատակ՝ կարճաժամկետ և երկարաժամկետ։ Կարճաժամկետը՝ Ավետյանի կողմից արտադրվող բոլոր ապրանքանիշների ներկայացումն է Հայաստանում, երկարաժամկետը՝ կառուցել Հայաստանում գործարան և, ներդնելով Ավետյանի գիտելիքները, արտադրել գինի, օղի, դրանք վաճառել Եվրոպայում»,- եզրափակեց Օսիպյանը։
Միջոցառմանը ներկա էին անվանի մշակութային, քաղաքական գործիչներ, արվեստագետներ, երգարվեստի և մարզաշխարհի ներկայացուցիչներ։
Օղու համտեսին ու հյուրասիրությանը զուգահեռ ցուցադրվեցին ֆրանսահայ հանրահայտ նկարիչներ Գառզուի, Ժանսեմի նկարները։ Երեկոն ուղեկցվեց դաշնամուրային կատարումներով, հնչեցին Շառլ Ազնավուրի, Ժակ Բրելի, Միշել Լեգրանի ստեղծագործությունները։
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
Երկիրը դիսկոտեկ չէ․ Սամվել Կարապետյան
