Ինչպես Սիլվա Հակոբյանը հայերեն սովորեցրեց ղազախ երգչին․ երգչուհու զուգերգի մանրամասներն ու Ղազախստանում հայտնիությունը
Երգչուհի Սիլվա Հակոբյանը երեկ ներկայացրել է իր և ղազախ երգիչ Ջիգեր Այուպբաևի զուգերգը։
Tert.am Life–ի հետ զրույցում Սիլվան նկատեց, որ այս շրջանն իր համար շատ ակտիվ է, մի քանի օրից ևս մի զուգերգ է ներկայացնելու, իսկ հաջորդ տարվանից նախատեսում է վերադառնալ նախկին ակտիվությանը։
Անդրադառնալով ղազախ երգչի հետ զուգերգին՝ Սիլվան նշեց, որ ղազախների հետ հաճախ է համագործակցում։ Առաջին անգամ այնտեղ լինելուց հետո հասկացել է, թե որքան սիրված է այնտեղ։
«Երաժիշտ Կուկպան Ժոլդասովը, որը Ղազախստանի Վաստակավոր արտիստ է, տարիներ առաջ ինձ հրավիրեց Ղազախստան։ Շատ ջերմ ընդունելության արժանացա։ Կարծես Հայաստանում լինեի։ Հենց նա դարձավ կապող օղակ իմ և Ղազախստանի մշակույթի միջև, առաջարկեց համագործակցություն։ Հետագայում արդեն համագործակցություններս շատացան։ Ինձ նույնիսկ ասում են՝ ևս 2 զուգերգ ու կարող եմ համերգ ունենալ ղազախ հանդիսատեսի համար»,– ասաց երգչուհին ու հավելեց, որ այս տեսահոլովակում նվագող երաժիշտը Կուկպան Ժոլդասովն է։
Զուգերգում Ջիգերը հայերեն է երգում, Սիլվան՝ ղազախերեն։ «Ես արդեն կարողանում եմ նույնիսկ կարդալ իրենց լեզվով։ Թեև բարդ է առանց շեշտադրումների երգել։ Ես էլ, Ջիգերն էլ փորձում էինք մաքուր երգել, բայց յուրաքանչյուր լեզու իր առանձնահատկություններն ունի։ Ես իրեն սովորեցնում էի հայերեն ճիշտ արտասանությունը, նա էլ ինձ՝ ղազախերեն»,– ասաց Սիլվան ու պատմեց, որ այս համագործակցությունը պատրաստ էր դեռևս կարանտինից առաջ, սակայն տեսահոլովակի նկարահանումը ձգձգվում էր։
«Որոշեցինք յուրաքանչյուրս մեր հատվածը նկարահանել; Ջիգերին խնդրեցինք իր հատված նկարահանել։ Մենք էլ այստեղ իմ հատվածը նկարահանեցինք, մոնտաժեցինք։ Էդգարի հետ տեսահոլովակի նկարահանումից հետո Սյոմա Կոդաբաշյանի և Կարեն Ամյանի հետ նկարահանեցինք նաև այս տեսահոլովակի կադրերը։ Արդյունքում պրեմիերաներն էլ մոտ ստացվեցին, բայց ամեն երգ իր ճակատագիրն ունի»,– ասաց երգչուհին։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
«Հանրային դաշինքը» քաղաքական հետապնդումների թեմայով հանրային քննարկում է հրավիրում
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Քաջարանը զարգանում ու գեղեցկանում է՝ պահպանելով իր յուրահատուկ դիմագիծն ու հարուստ արդյունաբերական ժ...
