Բաքուն կրկին ցայտնոտի մեջ է. «Փաստ»
«Փաստ» օրաթերթը գրում է.
Որքան էլ հակառակորդ երկիր լինի, բայց Բաքվի, իրենց արտահայտությամբ, «ադրբեջանական երիվարի» համառությունը հիացմունքի է արժանի: Քարոզչական դաշտում Հայաստանի նկատմամբ ունեն հստակ մշակված ծրագիր, որն անշեղորեն առաջ են տանում:
Մինչև աշուն ԵԱՀԿ երևանյան գրասենյակը կդադարեցնի իր գործունեությունը: Ադրբեջանն օգտվել էր կոնսեսուսի իրավունքից և ԵԱՀԿ–ին պարտադրել փակել գրասենյակը: Որպես պատճառ` ադրբեջանական կողմը նշել էր այն, որ այդ կառույցի երևանյան գրասենյակը չարաշահում է իր լիազորությունները և ականազերծում իրականացնում ոչ միայն Հայաստանի տարածքում, այլև ադրբեջանական «գրավյալ» տարածքներում` դրանով իսկ միջամտելով ԼՂ հակամարտության կարգավորման գործընթացին: Իսկ քանի որ կառույցի կանոնադրության համաձայն` գրասենյակները հակամարտություններին միջամտելու իրավունք չունեն, հետևապես երևանյան գրասենյակը ոտնահարել է կանոնադրությունը, ուստի պետք է դրա գործունեությունը դադարեցնել:
Եվ Բաքուն հասավ իր նպատակին: Գրասենյակը փակվեց:
Ու հիմա իրենց համար նոր բացահայտում են արել: Հայաստանի սահմանամերձ շրջաններում ականազերծման աշխատանքներ իրականացնելու է ՆԱՏՕ–ի «Վստահության հիմնադրամը»: Այս լուրը, որի մասին, ի դեպ, հայկական կողմը հայտարարել էր դեռ գարնան սկզբին, աղմուկի նոր ալիք է բարձրացրել: Դեռ մարտին հայկական կողմը նշել էր, որ Հայաստանն ու ՆԱՏՕ–ն ստեղծում են «Վստահության հիմնադրամ», որի միջոցով իրականացվելու է երկու ծրագիր՝ ծառայությունից դուրս եկած զրահամեքենաների ոչնչացում և սահմանամերձ շրջաններում հումանիտար ականազերծում:
«Հարցն այն է՝ արդյո՞ք ծրագիրը վերաբերելու է բուն Հայաստանի սահմանամերձ շրջաններին, թե նաև Երևանի կողմից «բռնազավթված» տարածքներին»,– հարց է բարձրացնում ադրբեջանական կողմը: Այդ առթիվ նրանք նույնիսկ հարցում են ուղարկել ՆԱՏՕ–ի գրասենյակ, թեև, իրենց խոսքով, դեռ պատասխան չեն ստացել: «Սակայն կարևոր չէ, թե կոնկրետ որտեղ տեղի կունենա ականազերծման գործընթացը, հարցն այն է, որ այդ պրոցեսը ուսուցողական կլինի հայ սակրավորների համար, ովքեր հետագայում կարող են ականապատել Ադրբեջանի «բռնազավթված» տարածքները»,– գրել է ադրբեջանական պարբերականներից մեկը:
Ի դեպ, Ադրբեջանում նույնպես գործում է ՆԱՏՕ–ի «Վստահության հիմնադրամ»: Եվ այն Ադրբեջանի տարածքների ականազերծման ազգային գործակալության (ANAMA) հետ համատեղ ականազերծման աշխատանքներ է կատարում այդ երկրի տարածքում արդեն մի քանի տարի շարունակ: Բայց այս փաստը Բաքվին այնքան էլ չի մտահոգում: Կարևորը, որ հայկական կողմում նման գործողություններ չլինեն:
Ուստի ելնելով ԵԱՀԿ գրասենյակին առնչվող պատմությունից՝ պետք է ակնկալել, որ առաջիկայում Ադրբեջանը հանդես կգա կամ Հայաստանում «Վստահության հիմնադրամի» փակման առաջարկով, կամ էլ գուցե գնան ավելի հեռուն ու պահանջեն դադարեցնել ՆԱՏՕ–ի հետ Անհատական գործընկերության գործողությունների ծրագիրը (IPAP), որի շրջանակներում կազմակերպվում է Հայաստան–ՆԱՏՕ համագործակցությունը:
Իսկ իրավիճակի անհեթեթությունն այն է, որ նրանք կարողանում են նմանատիպ հարցերը բարձրացնել ամենաբարձր ատյաններում: Եվ վերջիններս էլ ստիպված են լինում պատասխանել, ու հարցը դառնում է օրակարգային: Իսկ այդ ընթացքում մեր դիվանագիտական ղեկավարությունը մտածում է՝ ում որ երկրում դեսպան նշանակի, որ ընտրություններում ներդրած ջանքերը ըստ արժանվույն գնահատի:
Շարունակությունը` «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
