Որպես հայ մարդ ստանձնում եմ պատասխանատվություն և պարտավորություն կանխել իմ պետության կազմաքանդումը. Վլադիմիր Մարտիրոսյան
Ստանձնել
Տարածել
Ես՝ հայ մարդ Վլադիմիր Մարտիրոսյանս, լինելով ՀՀ քաղաքացի և բարեխիղճ հարկատու, օգտվելով իմ սահմանադրական իրավունքներից և քաղաքացիական պարտականություններից հայտնում եմ իմ կտրուկ անհամաձայնությունն ու անհանգստությունը ՀՀ ներկայիս իշխանությունների կողմից վարվող ներքին և արտաքին, անվտանգային և սոցիալ տնտեսական քաղաքականության վերաբերյալ:
Պնդում եմ, որ խորհրդարանական ընտրությունների ընթացքում իշխանությանը վերարտադրած քաղաքացիների մեծամասնության ընտրության շարժառիթը եղել է ոչ թե ՀՀ իշխանության ձևավորումը, որը ունակ է հավուր պատշաճի դիմակայել և անսասան պահել ՀՀ ազգային, հանրային և անվտանգային շահերը, այլ մանիպուլյացիան և պոպուլիզմը, ինչը հանգեցրել է պետության անվտանգային հիմքերի քայքայման, հանրային համերաշխության և գերակայությունների արժևորման ոչնչացման, հետևաբար նաև ազգային շահերի ստորադասման և անտեսման: Հենց միայն այս հիմքով ՀՀ ներկայիս իշխանություններն այլևս ինձ համար լեգիտիմ համարվել չեն կարող, որքան էլ լեգալ լինեն և առայժմ նույն հիմքերով աջակցության բազա ունենան: Պնդում եմ, որ պատրաստ եմ, պարտավոր եմ և շահառու որպես ՀՀ քաղաքացի գործող իշխանությունների ներկայիս քաղաքական կուրսի տապալման և նրանց հեռացման քաղաքական, հանրային պրոտեստի, անհնազանդության մեկնարկին և ստանձնում եմ պատասխանատվություն և պարտավորություն կանխել որպես հայ մարդ իմ պետության կազմաքանդումը:
Բոլոր տեսակի քաղաքական, կուսակցական, առաջնորդային նախապատվությունները դնելով մի կողմ պնդում եմ և խնդրում ձևավորել միասնական քաղաքական օրակարգ, որի հիմնական առաքելությունը կլինի ներկայիս իշխանությունների իշխանազրկումն ու ՀՀ անվտանգային, սոցիալ-տնտեսական և իրավական համակարգերի կազմաքանդման կանխումն ու իրավական, ազգային պետության սկզբունքներով, միասնական, կոնսոլիդացված և ազգային համաձայնության հիմքերով օրենսդիր և գործադիր մարմինների ձևավորումը:
Բոլոր ՀՀ քաղաքացիներին, ովքեր համաձայն են ստանձնել իրենց բաժին պատասխանատվությունը իրենց երկրի, պետության, նախկին, ներկա և ապագա սերունդների առջև խնդրում եմ միանալ այս հասարակա-քաղաքական պրոտեստի արտահայտման ձևին, հավաստել իրենց պատրաստակամությունը, նշել իրենց անուն ազգանունը որպես հայ մարդ, տարածել այն ցույց տալով գործողությունների պատրաստ լինելու վճռականությունը իշխանություններին, ինչպես նաև հավաստել իրական պայքարի, իրական գործողությունների գնալու պահանջն ընդիմությանը:
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Հայկ Կազազյանը՝ Մադեյրայի դասական նվագախմբի 2025/2026 համերգաշրջանի փակման համերգի մենակատար
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Վիեննական երեկո Կապանում դիմակահանդես և վալս
ԶՊՄԿ-ի մշտական այցելուների թվում են ՀՊՏՀ-ի ուսանողներն ու դասախոսները
Յունիբանկը կխաղարկի ուղևորություն դեպի Իտալիա
Մոսկվայում բողոքի ձայն են բարձրացրել ի պաշտպանություն Հայաստանի քաղբանտարկյալների. «Սփյուռքը չի լռել...
Լինելու ենք Հայաստանի բոլոր մարզերում, դառնալու ենք մեր ժողովրդի ձայնը ԱԺ-ում. Նարեկ Կարապետյան
Մոսկվայում հայ համայնքը միասնական աղոթքի կհավաքվի՝ ի պաշտպանություն Գագիկ Ծառուկյանի
Պետության կողմից ստեղծվել է արհեստական աղմուկ Ավետիք Չալաբյանի անունը արատավորելու համար. Անահիտ Ադա...
