Արարատի դատախազը 9 միլիոն ռուբլով բազմաբնակարան շենք է գնել. «Փաստ»

«Փաստ» օրաթերթը գրում է.

Արարատի մարզի դատախազ Համբարձում Մելիք–Սարգսյանը 2016 թ. 9 միլիոն 250 հազար ռուսական ռուբլով բազմաբնակարան շենքի ոչ բնակելի տարածք է գնել: Այս մասին տեղեկանում ենք դատախազի՝ Բարձրաստիճան պաշտոնատար անձանց էթիկայի հանձնաժողով ներկայացված 2016 թ. տարեկան հայտարարագրից:

Հայտարարագրում նշված է, որ այն բազմաբնակարան շենքում բնակարան, հասարակական, արտադրական նշանակության շինություն չհամարվող, իրավունքների պետական գրանցումն իրականացնող լիազորված մարմնում առանձին ծածկագրով գրանցված և համարակալված տարածք է:

Համբարձում Մելիք–Սարգսյանի դրամական միջոցների պատկերը հետևյալն է՝ տարեսկզբին 34 միլիոն 200 հազար դրամ, իսկ արդեն տարեվերջին կրկնակի անգամ պակաս՝ 14 միլիոն 700 հազար դրամ: Տարեկան եկամուտները ստացվել են միայն աշխատավարձից և կազմել 7 միլիոն 74 հազար դրամ:

Կնոջ՝ Ալինա Հարությունյանի հայտարարագրից տեսնում ենք, որ վերջինս նախորդ տարի նկատելիորեն վատնել է իր բանկային հաշիվների վրա գտնվող դրամական միջոցները՝ տարեսկզբին հայտարարագրված 32 միլիոն 400 հազար դրամը դարձնելով 2 միլիոն 100 հազար:

Շարունակությունը` «Փաստ» օրաթերթի այսօրվա համարում