Թրամփը լրջանում է

Դոնալդ Թրամփի ԱՄՆ նախագահ ընտրվելուց հետո, շատ լիբերալներ շոկի մեջ էին։ Նրանք խոսում էին վերջինիս էքսցենտրիկ բնավորությունից, անկայուն վարքագծից, քաղաքական որևէ կանոնի չենթարկվելուց և այլն։ Օրերս, ԱՄՆ նախագհն սկսել է իր առաջին արտասահմանյան մեծ շրջագայությունը։ Նա դա անում է բավականին հետաքրքիր սցենարով։ Տողերիս հեղինակը չգիտի, արդյոք նրա այցելությունների հիմքում հստակ մեխանիզմ է դրված, սակայն դրանք բավականին հետաքրքիր են։ Սկզբում նա այցելեց Երուսաղեմ։ Ինչպես գիտենք, այդ քաղաքը երեք հիմնական կրոնների համար հանդիսանում է սրբազան քաղաք։ Իսկ այսօր արդեն Վատիկանում է։ Ընդունելության է արժանանալու Հռոմի պապի և Վատիկան բարձրաստիճան պաշտոնյաների կողմից։

Այս քայլերով, Դոնալդ Թրամփը փաստացի առաջնային գիծ է մղում արևտյան քաղաքակրթությունը, այդ քաղաքակրթության ինտելեկտուալ ու հոգևոր մշակույթի կենտրոնները, ինչպես նաև այն արժեքային հենքի բաղադրիչները, որոնք ընկած են արևմտյան քաղաքակրթության հիմքում։

Թրամփի այս հանդիպումները, մենք ավելի շատ կանվանեք քաղաքակրթական, այլ որ թե՝ քաղաքական։ Ասել կուզե, Թրամփն առնվազն մեկ աստիճան բարձրանում է քաղաքական համակարգից։

Իհարկե, չենք կարող չնշել, որ նա ունի որոշակի խիստ հակասություններ Հռոմի պապի հետ։ Դրանք հատկապես կախված են սիրիական ճգնաժամի, փախստականների խնդրի և գլոբալ տաքացման հետ։ Եթե նա կարողանա որոշակի հարցերում կոմպրոմիսի գալ Պապի հետ, ապա կստանա քրիստոնյա աշխարհում բացառիկ հեղինակություն ունեցող գործչի աջակցությունը տարբեր այլ հարցերում։

Ատոմ Ոսկանյան, Armenia24.info