Տարածաշրջանի կոմունիկացիաների բացման թեման որոշակի ռիսկեր պարունակում է Հայաստանի պետական շահերի համար․ Նիկոլ Փաշինյան (տեսանյութ)
Այսօր կառավարության հերթական նիստին, երբ Նիկոլ Փաշինյանը պետք է ներկայացներ կառավարչության ծրագիրը, «Հայաստան» դաշինքի ներկայացուցիչ Սեյրան Օհանյանը վարման կարգով նշեց, որ իրենց աջակցությունն են հայտնում ապօրինի անազատության մեջ գտնվող գործընկերներին և պահանջում են ԱԺ ղեկավարությունից ապահովել պատգմավորների բնականոն գործընթացը, և խմբակցությունները համապատասխան հայտարարություն անեն, և գլխավոր դատախազը գա ԱԺ և բացատրություն տա։
Նույն խմբակցությունից Գեղամ Մանուկյանը վարման կարգով ավելացրեց, թե ինչու են մասնակցում Կառավարության ծրագրին։ «Այս իշխանությունը, վարչապետի աթոռը զբաղեցնողը հողատու և դավաճան են, բայց այս ծրագրի քննարկմանը մասնակցելու ենք, որ ամբողջովին քողազրկենք»,–ասաց նա։
Այսպիսով` Նիկոլ Փաշինյանը ներկայացրեց Կառավարության ծրագիրը։ «Քաղաքացիական պայմանագիր կուսակցությունը, նրա ձևավորած կառավարությունը Հայաստանում օրենքի և իրավունքի դիկտատուրա հաստատելու մանդատ է ստացել ժողովրդից և անշեղորեն կյանքի է կոչելու այդ մանդատը։ Հայաստանի և տարածաշրջանի համար խաղաղ զարգացման դարաշրջան բացելը, այնուամենայնիվ, արտահերթ ընտրությունների արդյունքներով ժողովրդի առաջ կառավարության ստանձնած մեծագույն առաքելությունն է։ Կառավարությունը գիտակցում է, որ այդ խնդրի լուծումը միայն ՀՀ-ից կախված չէ, այլ տարածքաշրջանի մյուս երկրների կեցվածքից և ցանկությունից»,–ասաց նա՝ ներկայացնելով կառավարության նախաբանը։
Նիկոլ Փաշինյանը շեշտեց, որ ո՛չ նոյեմբերի 9-ի եռակողմ հայտարարության, ո՛չ հունվարի 11-ի հայտարարության մեջ որևէ արտահայտություն, հղում, ձևակերպում չկա Հայաստանի տարածքով միջանցքի ստեղծման մասին։ «Խոսքը ուրիշ բանի մասին է, ինչպես Հայաստանը Ադրբեջանի տարածով պետք է ճանապարհ ստանա Ռուսաստանի, Իրանի հետ տրանսպորտային հաղորդակցության համար, այնպես էլ Ադրբեջանը Հայաստանի տարածքով պետք է ճանապարհ ստանա իր արևմտյան շրջանների, Նախիջևանի հետ տրանսպորտային հաղորդակցության համար։ Այդ մասին մի քանի անգամ խոսելու առիթ ունեցել ենք, բայց չենք հերքել և չենք հերքում, որ տարածաշրջանի կոմունիկացիաների բացման թեման որոշակի ռիսկեր պարունակում է Հայաստանի պետական շահերի համար, և սրա է պատճառը, որ կառավարության ծրագրում նշել ենք, որ ապաշրջափակումը պետք է լինի Հայաստանի արտաքին քաղաքականության առաջնահերթություններից մեկը, միաժամանակ այս գործընթացը չի կարող ունենալ Հայաստանի և Արցախի այլ անվտանգային շահերի հաշվին»,–ասաց նա և նշեց, որ այդ գործընթացը չի կարող տեղի ունենալ միայն Հայաստանի շահերի հաշվառմամբ։ Նա խոսեց նաև թշնամանքի ավարտի մասին և համոզմունք հայտնեց, որ այն քննադատվելու է։
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Անկախություն՝ առանց պատրանքների․ Արտակ Զաքարյան
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
Երկու ճանապարհ կար փողոցային պայքար սկսելու․ Նարեկ Կարապետյան
