Մարգարիտ Բարանկիցեն՝ Շուշի «Նարեկացի» արվեստի միությունում
Մայիսի 22-ին «Նարեկացի» արվեստի միության Շուշիի մասնաճյուղ այցելեց «Ավրորա» համաշխարհային մարդասիրական նախաձեռնության առաջին դափնեկիր, Բուրունդիի «Խաղաղության տուն» խնամքի տան և ՌԵՄԱ հիվանդանոցի հիմնադիր Մարգարիտ Բարանկիցեն։
Հյուրերին ավանդական աղ ու հացով դիմավորելուց հետո միության փոքրիկները դավթյան սաղմոսներ կարդացին և Մարգարիտ Բարանկիցեին նվիրեցին «Նարեկ» գիրքը։
Մարգարիտ Բարանկիցեն շրջեց կենտրոնի դասարաններով, ծանոթացավ փոքրիկների և կենտրոնի ուսուցիչների հետ, որից հետո կենտրոնի սաները՝ որպես խորհրդանշական հուշանվերներ, նրան փոխանցեցին իրենց աշխատանքներից։
Միջոցառման ավարտին միության տնօրեն Հայկ Պապյանը Բարանկիցեին նվիրեց իրենց ազգային ավանդական թմբուկահար տիկնիկը, որը հատուկ պատրաստված էր նրա համար։
Միջոցառմանը ներկա էր 107-ամյա Խանում Արուշ տատը, ում հետ ծանոթանալուց ու զրուցելուց հետո «Ավրորայի» դափնեկիրը շուրջպար բռնեց միության պարախմբի հետ ու պարեց հայկական ազգագրական «Փափուռի» պարը։
-Ես այս կենտրոնում ինձ զգացի ինչպես իմ տանը, քանի որ իմ ամբողջ կյանքը նվիրել եմ այն երեխաներին, որոնք ունեն դրա կարիքը, իսկ այս կենտրոնում երեխաները շատ են, և դա ինձ դուր եկավ,- նշեց «Ավրորա» համաշխարհային մարդասիրական նախաձեռնության առաջին դափնեկիր Մարգարիտ Բարանկիցեն։
«Նարեկացի» արվեստի միության Շուշիի կենտրոնում էին նաև ԼՂՀ մշակույթի և երիտասարդության հարցերի նախարար Նարինե Աղաբալյանը, ԼՂՀ վարչապետի խոսնակ Արտակ Բեգլարյանը և ուրիշներ։
«Մեր արժեքները մարդկային արժեքներն են։ Եթե քո մեջ կա կարեկցանք, սեր ու արժանապատվություն, քեզ ոչինչ չի կանգնեցնի, քանի որ ոչինչ չի կարող վերացնել սերը. ո՛չ բանակները, ո՛չ ատելությունը, ո՛չ հետապնդումը, ո՛չ սովը, ոչի՛նչ»։
Մարգարիտ Բարանկիցե
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Նպատակը հստակ է՝ մոռացության տալ. «Փաստ»
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
