Ամենաարագը սպառվեց զինվորի պատրաստած տոլման․ Տոլմայի փառատոնը՝ Հնաբերդում (տեսանյութ)
Այսօր 7-րդ անգամ անցկացվեց Տոլմայի համահայկական փառատոնը և այս անգամ՝ Արարատի մարզի Հնաբերդ գյուղում՝ Դվին մայրաքաղաքի պեղավայրի մոտակայքում։ Մասնակիցները ներկայացրել էին տարբեր բաղադրատոմսերով պատրաստված տոլմաներ։
Դրանք թե՛ ավանդաբար եկած տարբերակներով էին, որոնց ի դեպ, շատ քչերն էին ծանոթ, թե՛ նոր մտահղացումների արդյունք։
Ներկայացված էր մոտ 25 տաղավար։ Մրցանակներ էին նախատեսված «Տաղավարի լավագույն ձևավորում», «Լավագույն համ», «Լավագույն տեսք», «Լավագույն մտահղացում» և այլ անվանակարգերում։
Այս տարի նույնպես պատրաստվել էր ամենարեկար տոլման, սակայն մեկ տարբերությամբ՝ այն ոչ թե 23, այլ 60 մետր երկարությամբ էր։
Ինչպես ավելի վաղ տեղեկացրել էինք, տաղավար էր հատկացված նաև բանակին, որը ներկայացնում էր Վարդան Նավասարդյանը՝ Իջևանի N զորամասից։ Եվ, եթե մյուս տաղավարներում տոլմաների գները տատանվում էին 100-200 դրամի սահմաններում, ապա զինվորի պատրաստած տոլման անվճար էր, ավելին, այն սպառվեց ամենաարագը։
«Ավարտել եմ Երևանի թիվ տարածաշրջանային թիվ 1 պետական քոլեջը։ Պատրաստել եմ Էջմիածնի տոլման»,-մեզ հետ զրույցում ասաց Վարդանը։
Փառատոնին հյուրեր կային և՛ ՀՀ տարբեր մարզերից, և՛ արտերկրից։
Անի Կարապետյան
Նյութը՝ Asekose.am-ի
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Նպատակը հստակ է՝ մոռացության տալ. «Փաստ»
Ծառուկյանի և մյուս քաղբանտարկյալների պաշտպանության խորհրդի անդամների ասուլիսն` ուղիղ
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
