«Սա գրում եմ ո՛չ թե որպես ի ծնե արքայազն, այլ որպես տղամարդ, որը դարձել եմ»․ արքայազն Հարրին կյանքի ճշմարտությունը պատմող հուշագրություն կգրի (լուսանկարներ)
Մեծ Բրիտանիայի արքայազն, Սասեքսի դուքս Հարին գրքի միջոցով պատմելու է իր կյանքի պատմությունը, հայտնում է Penguin Random House հրատարակչությունը, որն էլ տպագրելու է աշխատանքը։
Հրատարակչությունը նշել է, որ իր կյանքի պատմությունը ներկայացնող հուշագրության մեջ մեր ժամանակի ամենաազդեցիկ և հետաքրքիր մարդկանցից մեկն առաջին անգամ պատմելու է իր փորձությունների, արկածների, կորուստների և կյանքի դասերի մասին, որոնք ձևավորել են իրեն։ Լուսաբանելով իր կյանքը՝ մանկությունից մինչև ներկա, ներառյալ նվիրվածությունը զինվորական ծառայությանը, հայր ու ամուսին լինելու ուրախությունը, արքայազն Հարին ընթերցողներին ներկայացնելու է անկեղծ և հմայիչ անձնական պատկերը, ինչն ընթերցողներին ցույց է տալու, որ ամեն ինչի հիմքում ոգեշնչող, համարձակ և հուսադրող մարդկային պատմությունն է։
«Ես սա գրում եմ ո՛չ թե որպես ի ծնե արքայազն, այլ որպես տղամարդ, որը դարձել եմ։ Իմ կյանքի ընթացքում ես բազմաթիվ գլխարկներ եմ կրել, բառի ուղիղ և փոխաբերական իմաստներով, և հույս ունեմ, որ պատմելով իմ կյանքի վերելքների և վայրէջքների, սխալների և քաղած դասերի մասին կարող եմ ցույց տալ, որ անկախ նրանից, թե որտեղից ենք մենք սերում, շատ ընդհանուր բաներ ունենք, քան կարծում ենք», - ասել է արքայազն Հարին և հավելել, որ երախտապարտ է կյանքի ընթացքում իր սովորածը կիսելու հնարավորության և ոգևորված` իր կյանքի ամբողջական և ճշմարտացի պատմությունը կարդալու մարդկանց հնարավորության համար։
Հրատարակչության գործադիր տնօրեն Մարկուս Դոլը, իր հերթին, նշել է, որ ուրախ են արքայազնի գիրքը տպագրելու հնարավորության համար՝ նրան ընդգրկելով աշխարհի հռչակավոր առաջնորդների, խորհրդանիշերի և աշխարհը փոխող մարդկանց շարքում։
«Արքայազն Հարին օգտվել է արքայազնի, զինվորի և սոցիալական հարցերի բանիմաց պաշտպանի իր կյանքի փորձից՝ հաստատելով ինքն իրեն որպես համարձակությամբ և անկեղծությամբ ճանաչված համաշխարհային առաջնորդ, ինչի համար էլ ուրախ ենք նրա հուշագրությունը հրատարակելու առթիվ», - նշել է Penguin Random House-ի գործադիր տնօրենը։
Գիրքը հրատարակվելու է Միացյալ Նահանգներում, Կանադայում և Մեծ Բրիտանիայում, ինչպես նաև հասանելի կլինի գրքի աուդիո տարբերակը։ Հուշագրությունը հրատարակվելու է 2022 թվականի աշնանը, ողջ հասույթը փոխանցվելու է բարեգործության։
Ավելին․․․
Զելենսկու և Երմակի անունով օտարերկրյա անձնագրեր են հայտնաբերվել (լուսանկարներ)
Իրավական տեսանկյունից անհերքելի փաստ է, որ Սամվել Կարապետյանը ենթարկվում է ամենաինտենսիվ քաղաքական հ...
Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան
Դատարանի հրապարակած վճռով անվավեր է ճանաչվել ԵՊՀ ռեկտորի՝ աշխատակիցներից մեկին աշխատանքից ազատելու հ...
Փաշինյանը հատեց վտանգավոր սահմանագիծը․ Ռուսաստանի թեմը՝ Հայ առաքելական Սուրբ Եկեղեցու միացյալ կենտրո...
«Բանակցել է Նիկոլ Փաշինյանը». Նարեկ Կարապետյանը տեսանյութ է հրապարակել
Քաղաքական ճգնաժամի նոր փուլ․ ինչի հետևանք է Վաշինգտոնի հուշագիրը
Կարապետյանական ոճը սա է․ անդրադարձ Լոռու մարզի ամենամեծ ծննդատանը
Հատկապես սահմանամերձ համայնքներում դպրոց փակելը հավասարազոր է գյուղը դատարկելու կանաչ լույսին․ Մարիա...
«Մեր ձևով»-ը ՔՊ-ի համար լուրջ խնդիրներ է ստեղծում՝ ինչը բնականաբար լավ է․ Գառնիկ Դավթյան
