Ինչ տեսք ունեն եվրոպական քաղաքները հորդառատ անձրևներից և ջրհեղեղներից հետո (լուսանկարներ)

Հուլիսի կեսերին Արևմտյան Եվրոպայի մի շարք շրջաններում պատմական ինտենսիվության հորդառատ անձրևներ են գրանցվել, ինչի հետևանքով շատ գետեր դուրս են եկել ափերից: Հատկապես տուժել են Գերմանիայի արևմտյան շրջանները՝ Հյուսիսային Հռենոս-Վեսթֆալիա և Ռեյնլանդ-Պֆալց երկրամասերը:

Գերմանացի հիդրոօդերևութաբանների գնահատականի համաձայն՝ մի շարք շրջաններում մեկ գիշերում տեղացել է տեղումների ամսական նորմը, իսկ նման անձրևներ այս շրջաններում չէին տեսել արդեն 100 տարուց ավելի:

Անձրևների և դրա առաջացրած ջրհեղեղների հետևանքով ավերվել կամ վնասվել են բազմաթիվ բնակելի տներ, զոհվել է ավելի քան 100 մարդ՝ մեծ մասը Գերմանիայում, հարյուրավոր մարդիկ անհայտ կորած են համարվում:

Ինչպիսին են ջրհեղեղների հետևանքները՝ meduza.io-ի պատրաստած ֆոտոշարքում.

Քանդված կամուրջ Գերմանիայի արևմուտքում

Ռելսերից դուրս եկած բելգիական SNCB տրանսպորտային ընկերությանը պատկանող գնացք՝ հեղեղված Ռոշֆոր քաղաքի մոտակայքում:

Բելգիայում ջրհեղեղների հետևանքով զոհվել է առնվազն 15 մարդ:

Գերմանական Շուլդ քաղաքի ավերածությունները

Ջրհեղեղի հետևանքները Քյոլնից հարավ-արևմուտք գտնվող Էրֆտշտադտ քաղաքում:

Բելգիայի Լիեժ նահանգի Անգլեր քաղաքի բնակիչը՝ լողալիս:

Ավելին․․․