Բաքվում դժգոհ են Բյուլբյուլօղլու գործունեությունից` նրան հետ են կանչում. «Փաստ»
«Փաստ» օրաթերթը գրում է.
Մինչև տարեվերջ ՌԴ–ում Ադրբեջանի դեսպան Փոլադ Բյուլբյուլօղլուն հետ կկանչվի այդ պաշտոնից: Ինչպես գրել է «Ենի Մուսավաթ» թերթը, հղում անելով իր աղբյուրներին, գլխավոր պատճառն իշխանությունների դժգոհությունն է նրա դիվանագիտական գործունեությունից:
«Մասնավորապես, Բաքուն դժգոհ է Ռուսաստանում ադրբեջանական համայնքի նկատմամբ Բյուլբյուլօղլու վերաբերմունքից: Դեսպան աշխատելու նրա 11 տարիների ընթացքում ադրբեջանական համայնքը թուլացել ու մասնատվել է: Գաղտնիք չէ, որ Ռուսաստանում ադրբեջանական համայնքի մեծ մասը վերածվել է ամորֆ օրգանիզմի: Լիդերության համար վեճերը հանգեցրել են նրան, որ շատ կարկառուն դեմքեր համայնքից հեռացել են: Վերջին տարիներին Ռուսաստանում ադրբեջանական համայնքը ջրի երեսին է մնում միայն Հեյդար Ալիևի հիմնադրամի շնորհիվ»,– գրել է թերթը:
Վերջին ամիսներին Բյուլբյուլօղլուն սկսել են քննադատել նաև այն բանի համար, որ Ռուսաստանի արդարադատության նախարարությունը դիմել է Գերագույն դատարան` լուծարելու Ադրբեջանական համառուսաստանյան կոնգրեսի գրանցումը: «Մյուս տարի Ադրբեջանում և Ռուսաստանում նախագահական ընտրություններ են: Թեև երկու երկրների միջև ռազմավարական համագործակցությունը բարձր մակարդակի վրա է, բայց պետք է ընդունել, որ այդ հարաբերությունները զիգզագաձև են: Երբեմն Ռուսաստանի ու պաշտոնական Բաքվի միջև լարվածություն է հայտնվում: Այդ դեպքում Բյուլբյուլօղլին միշտ փորձում է մնալ ստվերում, ինչը չի կարող դուր գալ պաշտոնական Բաքվին»,– տեղեկացրել է թերթը:
Նրա աղբյուրները հայտնել են, որ իշխանությունները մտադիր են Ռուսաստանում դեսպան նշանակել առավել ակտիվ դիվանագետի: «Այդ պատճառով իշխանությունները հավանություն են տվել, որպեսզի Բյուլբյուլօղլին առաջադրվի ՅՈՒՆԵՍԿՕ–ի գլխավոր քարտուղարի պաշտոնի համար»,– նշել է պարբերականը:
Շարունակությունը` «Փաստ» օրաթերթի այսօրվա համարում
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
