«Հայաստան» և «Պատիվ ունեմ» դաշինքները կարող են հրաժարվել պատգամավորական մանդատներից, և 8-րդ գումարման ԱԺ-ն չի ձևավորվի. Էդգար Ղազարյան

Այս ընտրությունների ոչ լեգիտիմ լինելը հայտնի էր ի սկզբանե, և Հայաստանն այս ընտրություններին գնացել է անօրինական զարգացումների հետևանքով: Այս մասին այսօր հրավիրված մամուլի ասուլիսի ընթացքում ասաց ՍԴ աշխատակազմի նախկին ղեկավար Էդգար Ղազարյանը:

«Ընտրական գործընթացին հետևող քաղաքացիները մի պահ պատկերացնեն Նիկոլ Փաշինյանին ոչ թե որպես վարչապետի պարտականությունները կատարող, այսինքն՝ որպես երբեմնի նախկին վարչապետ, իսկ ակնհայտ էր, որ քարոզարշավն ընթանալու էր այլ տրամաբանությամբ, և՛ կազմակերպչական տեսանկյունից, և՛ բովանդակային, և ակնհայտ է, որ ընտրությունների արդյունքներն այլ էին լինելու, եթե նա դիտարկվեր ոչ որպես վարչապետի ԺՊ»,- ասաց Էդգար Ղազարյանը:

Նա նաև նշեց, որ «Հայաստան» և «Պատիվ ունեմ» դաշինքներն իրավունք ունեն դիմելու ՍԴ և կարող են օգտվել իրենց այդ իրավունքից:

«Դաշինքները կարող են նաև կայացնել քաղաքական որոշում և հրաժարվել պատգամավորական մանդատներ ստանալու և ցուցակի բոլոր պատգամավորները հրաժարվեն մանդատ ստանալուց և կխախտվի ՀՀ Սահմանադրության՝ Ընտրական օրենսգրքի պահանջը։ Հետևաբար, չի ձևավորվի 8-րդ գումարման ԱԺ-ն, և դրանով իսկ քաղաքական ուժերը և մեր հասարակությունը կհասնեն նրան, որ Փաշինյանը չի կարողանա ստանձնել հանրային պաշտոն»,- նշեց նա:

Ավելին․․․
Աղբյուր