Պուտինը հայտարարել է, որ Նավալնին իր համար ընդամենը դատապարտված ռուսաստանցիներից մեկն է
Ռուսաստանցի ընդդիմադիր գործիչ Ալեքսեյ Նավալնիին բանտարկելու կամ ազատ արձակելու մասին որոշումը դատարանի իրավասության շրջանակներում է, իսկ գաղութում նրան ոչ մեկից ավելի վատ չեն վերաբերվում: Այս մասին հայտարարել է Ռուսաստանի առաջնորդ Վլադիմիր Պուտինը ամերիկյան NBC հեռուստաընկերությանը տված հարցազրույցում, որի տեքստը հրապարակվել է երկուշաբթի օրը Կրեմլի կայքում:
«Մեզ մոտ նախագահը նման որոշումներ չի կայացնում, դատարանն է կայացնում այդպիսի որոշումներ՝ ազատ արձակել, ազատ չարձակել»,- ասել է Ռուսաստանի ղեկավարը ՝ պատասխանելով Նավալնիի մասին հարցին:
«Նրան ինչպես ասես կարելի է անվանել: Ինձ համար նա Ռուսաստանի Դաշնության այն քաղաքացիներից մեկն է, որը դատապարտվել է Ռուսաստանի դատարանի կողմից և գտնվում է ազատազրկման վայրում, նրանց թիվը շատ է»,- շարունակել է Պուտինը` նշելով, որ վերաբերմունքը Նավալնիի նկատմամբ «ոչնչով ավելի վատը չէ, քան մյուսների նկատմամբ»:
«Մենք ոչ ոքի համար չպետք է որևէ բացառիկ պայմաններ ստեղծենք, դա սխալ կլինի, բոլորը պետք է հավասար դիրքում լինեն: Եվ դա վերաբերում է նաև այն մարդուն, որի մասին դուք հիշատակեցիք»- ավելացրել է պետության ղեկավարը:
Զրույցի ընթացքում լրագրողը հարցրել է Ռուսաստանի ղեկավարին, թե արդյոք նա տվել է Նավալնիին սպանելու հրաման: «Իհարկե, ոչ: Մենք ինչ-որ մեկին սպանելու սովորություն չունենք»,- պատասխանել է Ռուսաստանի նախագահը:
Նա հիշեցրել է, որ Նավալնին պատիժ է կրում գաղութում այն պատճառով, որ նախկինում խախտել է պայմանական դատվածության կանոնները: «Երկու անգամ անձը պայմանականորեն է դատապարտվել: Փաստացի, նրան պարզապես նախազգուշացրել են՝ չխախտել Ռուսաստանում գործող օրենսդրությունը: Ոչ, օրենքի պահանջների լիակատար անտեսում»,- նշել է Պուտինը:
«Եթե ինչ-որ մեկը թաքնվում է քաղաքական գործունեության հետևում, որպեսզի լուծի իր սեփական գործերը, այդ թվում՝ կոմերցիոն, ապա անհրաժեշտ է համապատասխան կերպով պատասխան տալ»:
Իր հերթին, Պուտինը մի քանի հարց է ուղղել իր զրուցակցին՝ կապված ԱՄՆ-ի քաղաքական իրավիճակի հետ: «Ես ուզում եմ Ձեզ հարցնել. Դուք հրաման տվե՞լ եք սպանել կնոջը, որը մտել է Կոնգրես, և որին գնդակահարել է ոստիկանը: Գիտե՞ք, որ ունեք 450 մարդ, որոնք ձերբակալվել են Կոնգրես մտնելուց հետո»,- հետաքրքրվել է նա:
Ավելին․․․
Բաց խոսակցություն պետական համակարգի հետ. Հրաչյա Ռոստոմյան
«Դասավանդի՛ր հանուն Հայաստանի»-ն և «Թովմասյան» հիմնադրամը ստորագրել են հուշագիր
Ucom-ի գլխավոր տնօրեն Ռալֆ Յիրիկյանը մասնակցել է Impacture 2026 համաժողովին
Գնա՛ ընտրության, որ քո կամքին չբռնանան. Գոհար Մելոյան
Թույլ մի ՛ տուր՝ որոշեն քո փոխարեն․ Արթուր Դանիելյան
Վանաձորս․ Ալիկ Ալեքսանյան
Փոփոխությունը սկսվում է քեզանից․ արի՛, քվեարկի՛ր․ հունիսի 7-ին՝ համար 3-ին
Հունիսի 3-ին մենք նշում ենք մեր մեծ հաղթանակի սկիզբը. Սամվել Կարապետյան
Երևանում Մարգարյան-Հալաբյան փողոցների խաչմերուկում բшխվել են «Tesla»-ն, «Subaru»-ն և «Honda»-ն
«Շատ մարդկային վերաբերմունք ունես». Խնձորեսկի տարեց բնակիչը գովեց Մարուքյանին
