Ռոբսոնը`Ռուբեն Թաթուլյանը ահաբեկե՞լ է Primecrime-ի խմբագրությանը (տեսանյութ)

«Prime Crime»-ը Էլեկտրոնային փոստով անհայտ մի անձից նամակներ է ստացել, որոնցով խմբագրությունից պահանջել են հեռացնել կայքում հրապարակված լուսանկարը, որում պատկերված է Սոչիի ձեռնարկատեր Ռուբեն Թաթուլյանը` Ռոբսոն, մի քանի վրացի «օրենքով գողերի» հետ միասին:

Հղում անելով «Անհատական ​​տվյալների մասին» Դաշնային օրենքին` նամակի հեղինակը կոպիտ և վիրավորական կերպով հայտարարել է այդ լուսանկարի «ոչ վստահելի» և «սադրիչ» լինելու մասին և սպառնացել խմբագրությանը, նկարը կայքից չհեռացնելու դեպքում «հարցը լուծել այլ կերպ` ոչ-մարդկայնորեն»:

Ավելի վաղ` մարտին, «АРМИ» PR-գործակալության աշխատակիցը «Prime Crime»-ին 15000 ռուբլի էր առաջարկել, Զախարիա Քալաշովի (Շաքրո), Թենգիզ Դումոևի (Գոչո) ինչպես նաև Թաթուլյանի` Սոչիում ձերբակալվելու մասին լուրը կայքից հանելու համար:

Լուսանկարում պատկերված են`

Վերևում` Գիա Գանգաձե, Բորիս Սուլավա (Կիչո), Վախո Չաչանիձե:

Ներքևում` Ռուբեն Թաթուլյան (Ռոբսոն)

Ռուբեն Թաթուլյանը հասարակությանը առավելապես հայտնի է որպես գործարար և բարերար, ով աչքի է ընկել իր խիզախ նախաձեռնություններով: ՌԴ կառավարությունը նրան պարգևատրել է սպորտային ոլորտին աջակցելու համար:

Ներկայացնում ենք տեսաֆիլմ` Ռուբեն Թաթուլյանի գործունեության վերաբերյալ: