2021 թվականի ապրիլ ամիսը ևս առանձնանում է դրական ցուցանիշով
Հայաստանի աշխատաշուկայի համար 2021 թվականի ապրիլ ամիսը ևս առանձնանում է դրական ցուցանիշով : Այս մասին այսօր՝ՀՀ ԱԺ տնտեսական հարցերի մշտական հանձնաժողովի նիստի հարց ու պատասխանի ժամանակ հայտարարել է ՊԵԿ նախագահ Էդվարդ Հովհաննիսյանը։
Ըստ նախագահի 2021 թվականի 0-ից բարձր վարձատրվող աշխատատեղերի քանակը նախորդ ամսվա համեմատ ավելացել է 4000-ով՝ դառնալով մոտ 626000, ավելացել է նաև ընդհանուր աշխատավարձի ֆոնդը՝ կազմելով մոտ 133 մլրդ, ավել է հավաքագրվել նաև եկամտային հարկը՝ ավելի քան 28 մլրդ, ինչպես նաև միջին աշխատավարձը՝ ավելի քան 212 հազար դրամ։ Էդվարդ Հովհաննիսյանը այս ցուցանիշները համեմատել է նաև 2019 թվականի հետ և արձանագրել, որ 2019 թվականի համեմատ 2021 թվականին մենք ունենք 0-ից բարձր վարձատրվող աշխատատեղերի 34000 դրական տարբերություն և մյուս բոլոր ցուցանիշներով այդ տարբերությունները 2021 թվականին եղել են դրական։
ԱԺ պատգամավոր, Ֆինանսավարկային եւ բյուջետային հարցերի մշտական հանձնաժողովի նախագահի տեղակալ Արտակ Մանուկյանը իր ֆեյսբուքյան էջում ևս կիսվել է այս ցուցանիշով։
Ըստ պատգամավորի 2021թ. ապրիլին ՊԵԿ-ն արձանագրել է 626414 աշխատատեղ, որոնց ընդհանուր եկամուտը/հարկման բազան կազմել է 133.2 մլրդ դրամ։ 2020թ. ապրիլի համեմատ (երբ աշխատաշուկան կորոնավիրուսի ու լոկդաունի հետևանքով շատ խորը անկում գրանցեց) աշխատատեղերն աճել են` 78676-ով, իսկ եկամուտը` 21.5 մլրդ դրամով։
Պատգամավորը նշել է նաև, որ աճը գրանցվել է ոչ միայն 2020 թվականի համեմատ, երբ Հայաստանում արտակարգ դրություն էր հայտարարված կորոնավիրուսի պատճառով, այն նաև ոչ կորոնավիրուսային՝ 2019թ. ապրիլի համեմատ աշխատատեղերն աճել են` 33824-ով, իսկ եկամուտը՝ 22.8 մլրդ դրամով։
| Աշխատատեղ | Հարկման բազա,մլրդ դրամ | Միջինում մեկ աշխատողի աշխատավարձ,հզր դրամ | |
| 2019 ապրիլ | 592 590 | 110,3 | 186,2 |
| 2020 ապրիլ | 547 738 | 111,7 | 203,9 |
| 2021 ապրիլ | 626 414 | 133,2 | 22,7 |
Սոնա Գիշյան
Հայկ Կազազյանը՝ Մադեյրայի դասական նվագախմբի 2025/2026 համերգաշրջանի փակման համերգի մենակատար
Վթար է․ ջուր չի լինելու մի շարք հասցեներում
Մենք պետք է մեզ պաշտպանենք. եկեք ստորագրահավաքին, այն ընթացքի մեջ է․ Արշակ Կարապետյան
Վիեննական երեկո Կապանում դիմակահանդես և վալս
Սյունիքում իրականացված արևային էներգետիկայի ծրագիրը՝ միջազգային հետաքրքրության կենտրոնում
Հերթական կին քաղբանտարկյալը «ժողովրդավարության բաստիոնում»․ Գոհար Մելոյան
Մեր ԱՀԾ-ն դեռ շատ բան ունի սովորելու. Աննա Ղուկասյան
Գյուղական բնակավայրերում աշակերտների սովորելու ձգտումն ավելի մեծ է, քան Երևանում. Ատոմ Մխիթարյան
Յունիբանկը կխաղարկի ուղևորություն դեպի Իտալիա
Ֆրանսիայում համարձակ կողոպուտ. Lalique թանգարանից գողացել են 5 միլիոն դոլարի գլուխգործոցներ
