Ալիևը հայտարարել է, որ վերջերս հայ-ադրբեջանական սահմանին տեղի ունեցած «սադրանքը» պետք է լինի վերջինը

Ադրբեջանի նախագահ Իլհամ Ալիևը հայտարարել է, որ վերջերս Զանգելանի ուղղությամբ Հայաստանի կողմից իրականացված «ռազմական սադրանքը» (չակերտները-Խմբ.) պետք է լինի վերջինը: Ինչպես նշում է minval.az-ը, նա այս մասին ասել է Ջաբրայիլում սահմանապահների հետ հանդիպման ժամանակ:

«Ռազմական սադրանքը, որը վերջերս տեղի է ունեցել հայ-ադրբեջանական սահմանին` Զանգելանի ուղղությամբ, պետք է լինի վերջինը: Մենք զսպվածություն ենք ցուցաբերել և չենք պատասխանել սադրանքին: Եթե ևս մեկ նման փորձ ձեռնարկվի, ապա թշնամին տեղում կոչնչացվի»,-ասել է Ալիևը:

Ավելի վաղ` ապրիլի 22-ին, Ադրբեջանի պետական սահմանային ծառայությունը հայտնել էր երկու երկրի սահմանին հայկական կողմի «սադրանքի» մասին:

Մինչդեռ Կապանի քաղաքապետ Գևորգ Փարսյանը հայտնել էր Սյունիքի մարզի սահմանային հատվածում Փահլասարի և Դիցմայրի ուղղությամբ հակառակորդի կողմից կրակբացելու մասին:

Այնուհետև ՀՀ ՊՆ-ն այս առնչությամբ հաղորդագրություն էր տարածել` նշելով. «Չափազանց վառ երևակայություն է պետք ունենալ` Հայաստանի զինված ուժերին ռազմավարական դաշնակից երկրի` ՌԴ խաղաղապահ առաքելության դիրքերի ուղղությամբ կրակոցներ արձակելու «մեղադրանք» վերագրելու համար:

Ավելին․․․