Պատմական և մշակութային արժեք ունեցող հուշարձանները վարձով են տրվում. «Փաստ»
«Փաստ» օրաթերթը գրում է.
Մշակույթի նախարարությունը հայտարարել է Վայոց ձորի մարզի Գնիշիկի համայնքի վարչական տարածքում գտնվող «Մագելի», Արենի համայնքի վարչական տարածքում գտնվող «Արենի 1» («Թռչունների»), Արփի համայնքի վարչական տարածքում գտնվող «Արջերի», «Մոզրովի» և Արագածոտնի մարզի Աղձք համայնքի վարչական տարածքում գտնվող «Քարե դռներ» պատմության և մշակույթի անշարժ հուշարձան հանդիսացող քարանձավները զբոսաշրջության նպատակով վարձակալության տրամադրելու մրցույթի մասին:
Մշակույթի նախարարության կողմից մրցույթի մասնակցության կանխավճարի չափ է սահմանվել 20 հազար դրամը:
Համահայկական բնապահպանական ճակատի անդամ Լևոն Գալստյանը հուշարձան–քարանձավների՝ վարձույթով հանձնելու գաղափարը այնքան էլ չի ողջունում: Բնապահպանն ասում է, որ եղել է վարձույթով հանձնելու ցուցակում ընդգրկված և՛ «Արջերում», և՛ «Մոզրովում» և չի պատկերացնում, թե «Մոզրովի» քարանձավն ինչպես պետք է զբոսաշրջության համար օգտագործվի:
«Մոզրովում» մուտքերը դժվարանցանելի են, սենյակները փոքր, մարդկանց անցնելը մեծ բարդությունների հետ է կապված: «Արջերի» քարանձավն էլ շատ նեղ անցումներ ունի: Այնտեղ պառկած վիճակում ու միայն սողալով կարող ես անցնել: Քանի որ ես եղել եմ այդ քարանձավներում, հասկանում եմ, որ լավագույն դեպքում «Արջերի» երկու սենյակները կարող են ինչ–որ կերպ օգտագործվել: Պետք է մտնեն, քանդեն, մեծացնեն, բացեն ինչ–որ ճանապարհներ: Եթե այդ տրամաբանությամբ է արվում, ուրեմն՝ անթույլատրելի է»,– ասաց նա: Ըստ նրա՝ հավանական է, որ կոչնչացվի ամբողջ քարանձավային համակարգը: Նման բան չանելու երկրորդ պատճառն էլ, ըստ Լևոն Գալստյանի, այն է, որ եթե նույնիսկ մենք ունենք այդ տիպի բնական միջավայր, որը կարելի է օգտագործել զբոսաշրջության նպատակներով, պետք է լուրջ չափորոշիչներ և օրենսդրական բազա լինի դրա համար: Նաև պետք է լուրջ վերահսկողություն լինի այդ ամենի նկատմամբ:
«Որովհետև եթե չլինի, նույնիսկ ամենալավ ցանկությունների դեպքում, նախարարությունը կտա դրանք ինչ–որ մեկին օգտագործման համար, և այդ օգտագործողները քարանձավները վարի կտան: Պետք է լինի լուրջ վերաբերմունք այդ ամենի նկատմամբ: Դրա համար էլ այս վիճակում վտանգավոր է ընդհանրապես այդ մասին խոսելը, մինչև չափորոշիչները օրենսդրորեն, կառավարության որոշումներով հստակ չձևակերպվեն և լուրջ մասնագիտական մոտեցում չլինի դրա նկատմամբ: Պետք է հասկանալ, թե ի՞նչ վտանգներ կան կենսաբազմազանության տեսանկյունից և կամ էկոլոգիական վիճակի հետ կապված»,– նշեց մեր զրուցակիցը:
Վերջինս նաև տեղեկացրեց, որ իրենք ժամանակին առաջարկել են փակել «Մոզրովի» մուտքը, սակայն ոչինչ չարվեց, ինչի արդյունքում շարունակվում է փոշիների՝ քարանձավից ներս լցվելու գործընթացը, ինչը բերել է նաև քարանձավի ջերմային ռեժիմի փոխոխության:
«Փաստի» այն հարցին, թե սրա հետ կապված միջազգային փորձ կա, Գալստյանը պատասխանեց, թե ինքը տեսել է, որ օգտագործում են, բայց կառավարման և վերահսկման մակարդակից արդեն իր համար հասկանալի էր, որ դրսում փորձ է արվում հնարավորինս նվազեցնել պատճառվող վնասների մակարդակը:
«Այնտեղ դու այդ մոտեցումը զգում ես, բայց Հայաստանում, ցավոք սրտի, ո՛չ, որովհետև ո՛չ կառավարողներն են ուզում դա զգալ ու հասկանալ, և ո՛չ էլ օգտագործողները: Իսկ դա կբերի շատ անհասկանալի ու անկանխատեսելի երևույթների»,– նշեց նա:
Մեր այն դիտարկմանը, թե ստացվում է, որ հիմնական նպատակը շահույթ ստանալն է, բնապահպանը պատասխանեց, որ մեր վերջին կառավարության ամբողջ գործունեությունն ուղղված է ինչ–որ անհասկանալի ներդրումներ և շահույթներ ստանալուն՝ ուրիշ ամեն ինչի վրա աչք փակելով ու անտեսելով:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
