Սպայի խոսքից այն կողմ բարձր ազնվության այլ աստիճան չպետք է լինի․ Սեյրան Օհանյան
Վերջին օրերին միայն Ադրբեջանի եւ Թուրքիայի ղեկավարությունների ասածները խոսում են այն մասին, որ մեզ մոտ գործում է լայն գործակալական մի մեծ շարասյուն, որի գլխավերեւում կանգնած է Նիկոլ Փաշինյանը։ Այս մասին այսօր՝ փետրվարի 27-ին, Բաղրամյան պողոտայում՝ լրագրողների հետ զրույցում, հայտարարեց Պաշտպանության նախկին նախարար Սեյրան Օհանյան։
«Թուրքիայի ղեկավարները, որոնց ձեռքերը մինչեւ արմուկները թաթախված են արյան մեջ, փորձում են մեզ եւ մեր բանակին ժողովրդավարության դասեր տալ։ Մի երկրի ղեկավար, որն իր պետությունը տանում է դեպի սուլթանական իշխանության, «Մեծ Թուրանի» գաղափարի, փորձում է մեր բանակին դաստիարակել։ Բանակ, որը ծնվել է մեր ժողովրդի ծոցից, հումանիստական ծրագրեր է իրականացրել, եւ կատարել է հակամարտության բոլոր մարտերը»,- ասաց Սեյրան Օհանյանը։
Սեյրան Օհանյանի խոսքով՝ այսօր միակ լեգիտիմ կառույցը հայկական բանակն է։
«Կառավարությունը Նիկոլի գլխավորությամբ չի կատարել Հայաստանի Հանրապետության սահմանազատման եւ անձեռնմխելիության խնդիրները։ Թուրքը եւ Ադրբեջանցին կանգնել են իրենց համար ամենահարմար կետերում։ Ի՞նչ հայկական բանակը, եթե տեր չկանգնի մեր սահմանների ամբողջականությանը։ Մեր բանակը ճիշտ է անում, որ չի ենթարկվում այս ապիկար իշխանություններին»,- նշեց Սեյրան Օհանյանը։
Օհանյանն ընդգծեց, որ Հայոց բանակն այսօր իր քայլը կատարեց. «Հայկական բանակը ժողովրդի կողքին է։ Խոսքը վերաբերում է ոչ միայն բանակին, այլ նաեւ ԱԱԾ-ին, Ոստիկանության բոլոր սպաներին՝ կանգնել բանակի կողքին, ժողովրդի կողքին կանգնել։ Միայն ու միայն սպաները մտավորականության հետ կարող են այդ ազնիվ քայլին գնալ։ Այսպիսի մի խոսք կա մեր կանոնադրություններում՝ սպայի խոսք հաստակակամ արտահայտությունը, այսինքն՝ սպայի խոսքից այն կողմ բարձր ազնվության այլ աստիճան չպետք է լինի»։
Սեյրան Օհանյանը դիմեց գեներալներին, սպաներին, պահեստազորի գեներալներին եւ սպաներին, մարտական ընկերներին, կամավորականներին. «Կանգնեք ժողովրդի կողքին, ժողովուրդն էլ կկանգնի բանակի կողքին, եւ մենք միասին կհասնենք հաջողությունների՝ ի փառս Հայաստանի Հանրապետության եւ Արցախի Հանրապետության»։
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Եվս մեկ անգամ վարչախմբին հորդորում ենք` ձեռքներդ հեռու՜ ՀՀ հիմնադիր փաստաթղթից. ՀայաՔվե
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
