«Գուցե Սերժ Սարգսյանի համար գեղեցիկ առևտուր էր...». ընդդիմադիր ուժերը՝ ընտրությունների մասին. «Փաստ»
«Փաստ» օրաթերթը գրում է.
Ընտրություններից հետո հղած ուղերձում նախագահ Սերժ Սարգսյանը ընտրությունները «գեղեցիկ պայքար» անվանեց՝ հայտարարելով. «Սա գեղեցիկ պայքար էր, որի նպատակը մեր երկրի զարգացման հարցում կարծիքների և դիրքորոշումների բախումն ու համադրումն էր։ Այն հիմնականում ստացվեց»:
Այն դեպքում, երբ հասարակության մեծ մասի համար գոնե տեսանելի էր ապրիլի 2–ի ընտրությունների ընտրակաշառքի մրցապայքարը, որ իշխանությունը հիմնականում ռեյտինգայինների վրա էր դրել` փողով կուսակցությանը ձայն բերել:
«Բացարձակ գեղեցիկ պայքար չէր, կարծում եմ անհավասար, անազնիվ պայքար էր: Քվեարկությունն էլ ժողովրդին կաշառելու բացահայտ ցուցահանդես էր»,–«Փաստի» հետ զրույցում ասաց «Ազատ դեմոկրատներ» կուսակցությունից առաջադրված քաղաքագետ Ստյոպա Սաֆարյանը: Ըստ նրա՝ Սերժ Սարգսյանը ինչպես միշտ, այս անգամ էլ փորձում է կոծկել տեղի ունեցած կեղծիքը: «Ընտրակեղծիքը միայն լցոնումը չէ. օրենքով արգելված ցանկացած գործողություն, որն ազդում է ընտրողների կամարտահայտման վրա, դա կեղծիք է: Նման խոսքերով Սերժ Սարգսյանն ընդամենը արդարացնում է ընտրակաշառքը: Առևտրական իշխանության համար միգուցե առևտուրը գեղեցիկ էր, բայց դա նողկալի էր և վերին աստիճանի ցավալի է տեսնել հայ ժողովրդին այս վիճակում»,–ասաց ընտրություններում պարտված դաշինքի թեկնածուն:
Ըստ Սաֆարյանի՝ այս ընտրություններում կիրառվել են ընտրակեղծարարության տարբեր մեթոդներ. «Կեղծ գրանցումներ, կան տվյալներ, որ նույն մարդիկ տարբեր հասցեներում գրանցվել են, անհայտ հասցեների վրա գրանցումներ, գյուղերից տարբեր մարդիկ են բերվել, որոնք տարբեր տեղեր քվեարկել են: Գիտեմ, որ Հայաստանում 1,5 մլն ընտրող չկա, Հայաստանում, ես տեսել եմ կեղծված էջեր, 1800–ից ավելի ցուցակներ, ամբողջ էջը քվեարկած էր, և այդ էջում մարդիկ են, որոնք շրջանների գրանցումներ ունեն: Սա արդեն բան է ասում»:
Ըստ նրա՝ ապրիլի 2–ի ընտրություններով և ապագա խորհրդարանում քաղաքական ուժերի դասավորվածությամբ Սերժ Սարգսյանն իր համար սահուն ապահովեց ապագա վարչապետի պաշտոնը և Կարեն Կարապետյանը բարեփոխիչ տեղապահ է այդ ճանապարհին:
«ՕՐՕ»–ի թեկնածու Անդրիաս Ղուկասյանը երեկ «Նուբարաշեն» ՔԿՀ–ից հայտարարել է, որ «ընտրակաշառքը արժեզրկեց վարչապետ Կարեն Կարապետյանի քարոզարշավը և ոչնչացրեց հանրության մոտ եղած բարեփոխումների սպասումները։ Դա նշանակում է, որ Հայաստանում լեգիտիմ իշխանություն ձևավորելու խնդիրը մնում է չլուծված։ ...Իշխանության բռնազավթումը արդարացնելու նպատակով իշխող վերնախավը դիմեց վերջին միջոցին՝ փորձեց հայ ժողովրդին միջազգային հանրությանը ներկայացնել իբրև անբարոյական, վախկոտ, կաշառակեր մարդկանց հանրության»։ Ըստ նրա՝ ժողովուրդը պետք է արձագանքի այս մարտահրավերին և ցուցաբերի համախմբված դիմադրություն` ազգային արժանապատվությունն ու հանրային բարոյականությունը պաշտպանելու համար։
Խորհրդարան անցած «Ելք» դաշինքի ներկայացուցիչ, «Քաղպայմանագիր» կուսակցության անդամ Արայիկ Հովհաննիսյանը «Փաստի» հետ զրույցում ասաց, որ իրենք ևս համաձայն չեն ընտրություններին Սերժ Սարգսյանի գնահատականի հետ: «Իհարկե համաձայն չեմ, որովհետև Սերժ Սարգսյանը ընտրակաշառքի մեքենայի պարագլուխն է և անկախ, որ որոշ մարդիկ նախապատվությունը տվել են ընտրակաշառք վերցնելուն և ընտրելուն, դա իշխանության կողմից խայտառակ գործողություն է, որի հիմնական պատասխանատուն Սերժ Սարգսյանն է»,– ասաց Արայիկ Հովհաննիսյանը: Նա նաև չի կարծում, որ ընդդիմությունը բավարար ներկայություն ունի խորհրդարանում: «Էն ձեռքբերումը, որ ունեցել է Ելք–ը այս ընտրությունների ժամանակ, Սերժ Սարգսյանի ու նրա ղեկավարած ՀՀԿ–ի հետ որևէ առնչություն չունի»:
«ՕՐՕ» դաշինքի նախընտրական շտաբի ղեկավար, «Ժառանգության» փոխնախագահ Արմեն Մարտիրոսյանը երեկ լրագրողների հետ զույցում ասել է. «Ձայների հրապարակային աճուրդ տեղի ունեցավ, և սև քարոզչություն հատկապես մեր դաշինքի նկատմամբ: Գումարած դրան, մենք ունեցանք մի իրավիճակ, երբ, ըստ էության, բոլոր հիմնական քաղաքական պրոցեսները դուրս մնացին խորհրդարանից»: Նա նաև հավելել է. «Իմ կարծիքով, այս պահին մենք խորհրդարանում ունենք երեք անձի կողմից ձևավորված խորհրդարան՝ Սերժ Սարգսյան, Գագիկ Ծառուկյան, Միքայել Մինասյան: Ցավոք սրտի, իրականությունը սա է, և ակնհայտորեն մենք երկար ժամանակ ունենալու ենք հասարակության շահերի պաշտպանության խնդիր, և մեզ հետ համագործակցող ուժերը այդ հասարակական շահի պաշտպանության առաջամարտիկներ են լինելու»:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
