Կոմունիստները պատրաստ են սատարել կյանքի որակի բարելավմանն ուղղված ցանկացած կուսակցության, անգամ՝ ՀՀԿ–ի նախաձեռնությանը. «Փաստ»
«Փաստ» օրաթերթը գրում է.
Հայաստանի Կոմունիստական (ՀԿԿ) և Առաջադիմական Միացյալ Կոմունիստական (ԱՄԿԿ) կուսակցությունների համատեղ հայտարարության մեջ ասվում է, որ նախընտրական ժամանակահատվածում իրենց հաջողվել է մեծածավալ, հետևողական ու բովանդակալից աշխատանք իրականացնել: Կարողացել են իրենց խոսքը ընտրողին հասցնել և ներկայացնել սոցիալական վիճակի բարելավման, երկրի հզորացման, տնտեսության վերակենդանացման, արդարության հաստատմանն ուղղված իրենց ծրագրերը:
«Սակայն տեղի ունեցան նեգատիվ երևույթներ՝ ընտրողին ապակողմնորոշելու և այս կամ այն քաղաքական ուժին ձայն տալու համար կիրառվեցին տարբեր ձևեր ու մեթոդներ, որը մեզ բնորոշ չէր»,– ասված է նաև հայտարարության մեջ:
Կուսակցականները թեև նշում են, որ ստացված արդյունքն իրենց չի բավարարել, սակայն տարակուսանքի տեղիք է տվել, քանի որ ստացված ձայները, ըստ իրենց, համահունչ չէ քարոզարշավի ընթացքում բնակչության ունեցած դրական վերաբերմունքին ու տրամադրվածություններին: Մեր երկրին զարգացում և առաջընթաց մաղթելով, նրանք հայտարարել են, որ պատրաստ են նպաստել ժողովրդի բարեկեցությանն ուղղված յուրաքանչյուր նախաձեռնություն կյանքի կոչելուն: Կուսակցությունը շնորհակալություն է հայտնել նաև իրենց ձայն տված քաղաքացիներին, ինչպես նաև լրատվամիջոցներին:
Առաջադիմական Միացյալ Կոմունիստական կուսակցության նախագահ Վազգեն Սաֆարյանը «Փաստի» հետ զրույցում նշեց, որ թեև կուսակցությանը տրված ձայները բավարար չէին Ազգային ժողովի պատգամավոր դառնալու համար, սակայն այն կայծը, որ իրենց հաջողվել է գցել հասարակության մեջ, ժամանակի ընթացքում դեռ կբոցավառվի:
«Գուցե ժողովրդին ժամանակ է պետք հասկանալու, որ եթե մենք ներկայացված չենք ԱԺ–ում, ուրեմն չենք կարողանա մեր ծրագրերն իրականացնել: Բայց, մենք պայքարելու ենք սոցիալիստական արժեքների վերականգնման և մեր գաղափարների ամրապնդման համար»,– ասաց Վ. Սաֆարյանը:
Առաջիկայում պլանավորում են աշխուժացնել նաև կուսակցությունների տարածքային կառույցները, որը հնարավորություն կտա նաև հետադարձ կապ պահպանել ժողովրդի հետ: Կոմունիստներն իրենց առջև այլ խնդիրներ էլ են դրել՝ լայնորեն օգտվել ժամանակակից տեղեկատվական տեխնոլոգիաներից և ավելի շատ երիտասարդներ ներգրավել իրենց շարքերում:
Վ. Սաֆարյանը նաև ասաց, որ քարոզարշավի ժամանակ շատ կուսակցություններ կոմունիստներից փոխ առան որոշ գաղափարներ: Մասնավորապես՝ արդյունաբերության զարգացմանն ու սոցիալական հարցերի լուծմանն ուղղված իրենց գաղափարները, սակայն նրանք դեմ չեն, որ իրենցից վերցվածը ուրիշները կյանքի կոչեն:
«Մենք կողմ ենք, որ ինչպես խորհրդարանական, այնպես էլ արտախորհրդարանական ուժերը կարողանան մեր ցանկացած գաղափարն առաջ տանեն: Եթե նույնիսկ իշխանությունները փորձեն զարգացնել արդյունաբերությունը, նպաստեն երկրում աշխատատեղերի ստեղծմանը, կյանքի որակի բարելավմանը և սոցիալապես անպաշտպան խավը կարողանա ոտքի կանգնել, մենք միայն կողջունենք ու կսատարենք իրենց: Դրանից առաջին հերթին կօգտվեն հենց կոմունիստները, քանի որ նրանք են սոցիալապես ամենաանպաշտպան խավը Հայաստանում»,– ասաց Վ. Սաֆարյանը:
Շարունակությունը` «Փաստ» օրաթերթի այսօրվա համարում:
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
Ինչո՞ւ է Սփյուռքը թիրախավորվում, և ո՞ւմ շահերին են ծառայում իշխանությունները. «Փաստ»
