Պահանջում ենք վարչապետի աթոռը զբաղեցնող անձի անհապաղ հեռացումը․ մարզաշխարհի ներկայացուցիչների հայտարարությունը

Մարզաշխարհի ներկայացուցիչները հայտարարություն են տարածել․ պահանջում են վարչապետի աթոռը զբաղեցնող անձի անհապաղ հեռցումն այդ պաշտոնից.

«Մեր հայրենիքում ազգակործան ալեկոծությունը շարունակվում է: Ժողովրդի վստահությունը դեպի հայրենի կառավարությունը, կարճ ժամանակում փոխարկվել է անսահման ատելության: Դավաճան իշխանություններն արդեն Եռաբլուր սրբատեղի են այցելում զրահավահաններով եւ անվտանգության անձրեւանոցներով: Ուժի ցուցադրման քողով ապիկար եւ ազգադավ վարչապետը շարունակում է իր դավաճանական գործողությունները՝ բզկտելով մեր հայրենիքը: Վտանգված է մեր ազգի եւ երկրի ինքնիշխան գոյությունը:

Մենք այլեւս չենք կարող այս աղետալի վիճակի լուռ հետեւողները լինել եւ միանում ենք Հայաստանի հանրապետության իրավիճակը սթափ գնահատող քաղաքացիներին: Օրախնդիր է վայրկյան առաջ կանգնեցնել մեր երկրի գահավիժումը եւ լծվել երկրի ինքնիշխանության եւ սահմանների պահպանության սուրբ գործին: Ցանկացած պարտություն կարող է դառնալ նոր հաղթանակների սկիզբ, բայց ոչ արյունոտ ձեռքերով խայտառակ կապիտուլիացիա ստորագրած դավաճանի առաջնորդությամբ: Պահանջում ենք վարչապետի աթոռը զբաղեցնող անձի անհապաղ հեռցումն այդ պաշտոնից: Դավաճանը չի կարող շարունակել տնօրինել մեր ազգի եւ պետության բախտը:

Հովհաննես Պողոսյան «Արարատի» նախկին ֆուտբոլիստ

Արմեն Ադամյան «Կոտայքի» նախկին ֆուտբոլիստ

Ռուդիկ Բարսեղյան Հայաստանի վաստակավոր լրագրող

Սամվել Պողոսյան «Արարատի» նախկին ֆուտբոլիստ

Արտակ Կարապետյան «Արարատի» նախկին ֆուտբոլիստ

Գուրգեն Ենգիբարյան «Արարատի» նախկին ֆուտբոլիստ

Սամվել Ղասաբյան «Արարատի» նախկին ֆուտբոլիստ

Արտաշ Ադամյան «Կոտայքի» նախկին ֆուտբոլիստ

Պողոս Գալստյան «Արարատի» նախկին ֆուտբոլիստ

Ստեփան Բաղդասարյան «Արարատի» նախկին ֆուտբոլիստ

Աշոտ Մանուկյան ՀՖՖ նախկին փոխնախագահ

Խաչիկ Չախոյան մարզական մեկնաբան