Գիշերային հատուկ գործողություն. Մոսկվան փակագծեր է բացում
ՌԴ ԱԳՆ խոսնակ Մարիա Զախարովան ՌԴ ԱԳՆ կայքում հրապարակել է Ռուսաստանի, Հայաստանի եւ Ադրբեջանի ղեկավարների հայտարարության պաշտոնական տեքստը եւ մեկնաբանություն թողել. «որպեսզի սպեկուլյացիաներ չլինեն կարգավիճակի եւ խաղաղապահների կազմի վերաբերյալ»:
Ավելի վաղ նա ասել էր. «Ես տեսել եմ, որ համացանցում տարածվում են տեքստեր (իբր հայտարարությունը): Դրանք մոտ են ճշմարտությանը, սակայն լիարժեք հաստատել չեմ կարող: Մոտ ժամանակներս կհրապարակվի հայտարարությունը եւ կտարածվի միջազգային հարթակներում»,ասել է նա:
Խնդիրն այն է, որ երեկ Ալիեւը Պուտինի հետ տեսակոնֆերանսի ժամանակ վստահ պնդում էր, որ դա լինելու է թուրք-ռուսական համատեղ խաղաղապահ առաքելություն, եւ Բաքվի հրապարակած հայտարարության տեքստում էլ դա հստակ արձանագրված էր: Միեւնույն ժամանակ, Ղարաբաղի կարգավիճակի մասին իսկապես ոչ մի տարբերակում չի նշվում:
Խաղաղապահ օպերացիան Լեռնային Ղարաբաղի հակամարտության գոտում ռուսական է, հնարավոր են միայն Թուրքիայի հետ գործողությունները համաձայնեցնելու տարրեր, հայտարարել է Դաշնության խորհրդի միջազգային հարցերի հանձնաժողովի ղեկավար Կոսաչյովը: «Պարոն Ալիեւի հայտարարության մեջ մենք Թուրքիային ուղղված որոշակի ուղերձներ տեսանք, որ դա համատեղ օպերացիա է լինելու: Ուշադիր կարդանք ինչպես եռակողմ հայտարարությունը, այնպես էլ Ռուսաստանի Դաշնության նախագահի ներկայացրած տեքստը. այնտեղ խոսքը ռուսական խաղաղապահ կոնտինգենտի մասին է», ասել է Կոսաչյովը:
«Այո, կողմերի գործողությունների համաձայնեցման որոշակի տարրեր գուցե հնարավոր են: Ադրբեջանում եւ Լեռնային Ղարաբաղում Թուրքիայի ներկայության բուն փաստն անտեսել հնարավոր չէ: Բայց կրկնեմ` օպերացիան ռուսական է, օպերացիան խաղաղապահ է, օպերացիան իրականացվում է Հայաստանի եւ Ադրբեջանի համաձայնությամբ», հավելել է սենատորը, ասելով, որ Ադրբեջանը պատրաստակամ է կատարել իր մասով համաձայնությունը, իսկ Հայաստանի հարցում չկա հանրային կոնսենսուս:
Ի՞նչ է կատարվում: Ռուսական կողմը չի հերքում եւ չի հաստատում Ալիեւի պնդումը, միեւնույն ժամանակ, արդյոք Հայաստանին փորձում են հարկադրել հրաժարվել կարգավիճակից՝ թուրք խաղաղապահների «դիմաց»: Հայաստանը պնդե՞լ է կարգավիճակի հարցը:
Երեկ երեք ղեկավարների հայտարարությունից շատ առաջ արդեն խաղաղապահների շարասյունը Հայաստանից շարժվում էր Ղարաբաղ: Երասխի մոտ շարասյանն ուղեկցող ռուսական ուղղաթիռը խոցվեց Նախիջեւանից, ադրբեջանցիների կողմից: Բաքուն անմիջապես ընդունեց մեղքը, հայտարարելով, թե այդ քայլին մարտական հաշվարկը գնացել է հայերի հնարավոր սադրանքների պայմաններում լարված իրավիճակից, սխալմունք է եղել, ներողություն խնդրելով եւ պատրաստակամություն հայտնելով փոխհատուցել զոհվածների ընտանիքներին: Մոսկվայում գոհունակություն էին հայտնել Բաքվի արձագանքից:
Ակնհայտ է, որ ուղղաթիռը խոցվել էր դիտմամբ, ըստ ամենայնի՝ համատեղ հայտարարության մեջ Բաքվի պահանջներն ընդունելու նպատակով: Եվ մինչ հայ գեներալ Վաղարշակ Հարությունյանն ու Հայաստանի ԱԳՆ-ն վատ քողարկված հույսեր էին փայփայում, որ ռուսական կողմը կպատժի Բաքվին (հայ քաղաքական միտքը երբեք չի ընկալի տվյալ դեպքում ուղղաթիռը խոցելու ակտի քաղաքական նշանակությունը, առավել եւս՝ նման ակտերի դիմելու հնարավորությունը), կազմվում էր այդ փաստաթուղթը: Դե, իսկ կարգավիճակը խաղաղապահների կազմով պայմանավորելու մասին էլ չենք խոսում:
Իդրամի «Բարի գործերի քաղաքը»․ թիմային խաղից՝ իրական բարեգործական ծրագրեր
Այն մասին, թե իրականում ինչ կարգավիճակ է ունեցել Տիգրանաշենը խորհրդային տարիներին․ Ավետիք Չալաբյան
«Նրանք ստում են, անամոթաբար ստում են ՀԱՊԿ-ի մասով». «Փաստ»
Տիգրանաշենը կունենա նոր շուկա, խաղահրապարակ և ավտոբուս. «Փաստ»
Քչերը գիտեն որ սեզոնային այս միրգը կօգնի իջեցնել արյան ճնշումը
Լոռի Բերդ խոշորացված համայնքի ղեկավար Արայիկ Ներսիսյանի անցած ճանապարհը
Երևանից իրականացվում է ավելի շատ ուղիղ չվերթ, քան Թբիլիսիից ու Բաքվից
Ռալֆ Յիրիկյանը՝ թվային փոխակերպման գնի մասին 13-րդ տարածաշրջանային HR համաժողովում
«Հայոց Արծիվներ» ջոկատը պատերազմի առաջին օրերին մեկնեց Արցախ՝ Հայրենիքը պաշտպանելու
Ազգերի լիգա․ Հայաստան - Չեռնոգորիա․ մեկնարկային կազմեր
