Հայերը աշխարհի 500 միլիարդատերերի ցուցակում. «Փաստ»

«Փաստ» օրաթերթը գրում է.

Ամերիկյան Bloomberg գործակալությունը հրապարակել է 2017 թ. աշխարհի 500 ամենահարուստների ցուցակը։ The Bloomberg Billionaires Index–ները ներկայացնում են ամենահարուստ մարդկանց օրական վարկանիշը և թարմացվում են ամեն օր:

Ցուցակում հայտնվել են 3,61 մլրդ և ավելի կարողություն ունեցող անձանց անուններ։

Առաջին հորիզոնականը զբաղեցրած՝ Microsoft–ի հիմնադիր Բիլ Գեյթսի կարողությունը մարտի 14–ի կտրվածքով հաշվարկվել է 85,7 մլրդ ԱՄՆ դոլար, այն նախորդ տարվա նույն ժամանակահատվածի համեմատ ավելացել է 4%–ով կամ 3,27 մլրդ դոլարով: Երկրորդ հորիզոնականում ֆինանսիստ և ներդրող Ուորեն Բաֆեթն է. այս պահին նրա կարողությունը գնահատվում է 78,7 մլրդ` ավելանալով 7,7%–ով կամ 5,61 մլրդ–ով: Եռյակը եզրափակում է Amazon–ի հիմնադիր Ջեֆ Բեզոսը՝ 73,9 մլրդ դոլար: Նախորդ տարվա համեմատ նրա կարողությունն ավելացել է 12,5%–ով կամ 8,54 մլրդ դոլարով: Չորրորդ հորիզոնականում է ZARA–ի հիմնադիր Ամանսիո Օրտեգան՝ 70,6 մլրդ դոլար, սակայն նրա հարստությունը նախորդ տարվա համեմատ պակասել է 2,2%–ով կամ 1,57 մլրդ դոլարով: Facebook–ի հիմնադիր Մարկ Ցուկերբերգը հինգերորդն է՝ 60,1 մլրդ դոլար: Նա այս տարի հարստացել է 10,1 մլրդ–ով կամ 20,3%–ով: Վեցերորդ հորիզոնականում մեքսիկացի մեդիամագնատ Կառլոս Սլիմն է՝ 51,6 մլրդ դոլար` իր եկամուտն ավելացնելով 1,74 մլրդ–ով կամ 3,5%–ով: Յոթերորդ և ութերորդ հորիզոնականները կիսում են Չարլզ Կոքնու Դեյվիդ Կոքը` համապատասխանաբար 48 մլրդ դոլարով: Իններորդը Oracle–ի հիմնադիր Լարի Էլիսոնն է՝ 45,2 մլրդ դոլար (+8,9% կամ 3,71 մլրդ): Google–ի մայր կազմակերպության՝ Alphabet–ի գործադիր տնօրեն Լարի Փեյջը եզրափակում է տասնյակը: Նրա կարողությունը հաշվվում է 43,4 մլրդ դոլար՝ նախորդ տարվա նույն ժամանակահատվածի նկատմամբ ավելանալով 8,7%–ով կամ 3,48 մլրդ–ով:

Ամենահարուստների ցուցակում են հայտնվել նաև երկու հայ գործարար: Մարտի 14–ին 196–րդ հորիզոնականում է հայտնվել «Մագնիտ» առևտրային ցանցի սեփականատեր Սերգեյ Գալիցկին՝ 6,93 մլրդ դոլարով: 2016 թվականի նույն ժամանակահատվածի համեմատ Գալիցկու կարողությունը նվազել է 9,1%–ով կամ 692 մլն դոլարով։

«Տաշիր» ընկերությունների խմբի սեփականատեր Սամվել Կարապետյանը ցուցակի 401–րդ հորիզոնականում է` 4,28 մլրդ դոլար։ Կարապետյանի կարողությունը 2016 թ. մարտի 14–ի համեմատ աճել է 6%–ով կամ 241 մլն դոլարով:

 Շարունակությունը` «Փաստ» օրաթերթի այսօրվա համարում: