Շա՜տ խաղաղասերն են, ախր «Փաստ»
«Փաստ» օրաթերթը գրում է.
Կովկասի պատմության կենտրոնը Բաքվում մեկնարկել է «Ղարաբաղյան հակամարտություն. սկզբնաղբյուրները, խաղաղասիրություն և քաղաքացիական հասարակության դերը» միջազգային կոնֆերանսը, որին, Ադրբեջանի, Վրաստանի, ՌԴ–ի, Թուրքիայի, Ուկրաինայի, Շվեդիայի և Ուզբեկստանի պատվիրակներից բացի, մասնակցում են հայեր. Վահե Ավետյանը՝ Շվեդիայից, Սյուզան Ջաղինյանը՝ Հայաստանից, Արթուր Աղաջանովը՝ Ուկրաինայից: Ըստ կազմակերպիչների՝ կոնֆերանսը խաղաղասիրական առաքելությանն աշխարհի քաղաքագիտական հանրությանը ներգրավելու նպատակն ունի, և շատերն են մեծ հետաքրքրությամբ սպասում հայազգի պատվիրակների ելույթներին: Մասնավորապես, Աղաջանովը հանդես կգա՝ «Ղարաբաղյան քրիստոնյաները՝ հանուն իրենց պատմության և Ադրբեջանի ինքնիշխանության վերականգնման», Ավետյանը՝ «Հայաստանի ներկա իշխանությունների քաղաքականությունը, որպես ղարաբաղյան հակամարտության կարգավորման արգելք» ելույթներով, բայց կոնֆերանսը սոսկ Արցախով չի սահմանափակվի:
Օրինակ՝ Թուրքիայից Մեհմեթ Փերինչեքը հանդես կգա «Գրիգոր Արծրունին և հայկական ազգայնամոլության ու ռասիզմի արմատները», Գուրամ Մարխուլիան՝ «Բաղրամյանի գումարտակը՝ հայկական դավաճանության խորհրդանիշ», ՌԴ–ից Օլեգ Կուզնեցովը՝ «Ղարաբաղյան պատերազմը որպես մարդկության պատմության մեջ առաջին ահաբեկչական պատերազմ», ադրբեջանցի Շուհրաթ Սալամովը՝ «Դաշնակցական ահաբեկչությունը և Ադրբեջանում Թուրքեստանի պատմությունը» ելույթներով և այլն, ինչն ապացուցում է, որ խաղաղության կեղծ հարթակի իրական կազմակերպիչն Իլհամ Ալիևն է, մեծ եղբոր՝ Թուրքիայի օժանդակությամբ:
Նշենք նաև, որ Ադրբեջանից կոնֆերանսին մասնակցում են Ալիևի աշխատակազմի բաժնի ղեկավար Ֆուադ Ախունդովը, ԱԳԱԱ–ի թղթակից անդամ, ակադեմիկոս Ֆարիդա Մամեդովան, նախագահին առընթեր Ռազմավարական հետազոտությունների կենտրոնի տնօրեն Ֆարհադ Մամեդովը, Ազգամիջյան, մուլտիմշակութային հարցերով Պետխորհրդատուի ծառայության գլխավոր խորհրդատու, պատմական գիտությունների դոկտոր, պրոֆեսոր Հաջար Վերդիևան, Կովկասի պատմության կենտրոնի աշխատակից Էլշադ Ալիլին, ԱԳԱԱ–ի Իրավունքի և մարդու իրավունքների ինստիտուտի աշխատակից Աբաս Իսլամովը, Թելման Գասիմովը՝ «Kavkaz Times» հանդեսից, Ալբանա–ուդինական քրիստոնեական համայնքի նախագահ, Բաքվի ՊՀ–ի պրոֆեսոր Ռոբերտ Մոբիլին, Պնախարարությանն առընթեր Նոր կրթական տեխնոլոգիաների կենտրոնի տնօրեն Շամիլ Սուլեյմանլին և այլք։
Շարունակությունը` «Փաստ» օրաթերթի այսօրվա համարում:
Յունիբանկը մեկնարկել է նոր ակցիա «U-Teenager». գլխավոր մրցանակը՝ ամառային դասընթաց արտերկրի լավագույ...
ՀՕՊ ուժերը մեկ օրում Ռուսաստանի երկնքում 426 ուկրաինական դրոն են խոցել
Չեխական ՀԿ-ի հերթական մանիպուլյացիան. ի՞նչ է թաքնված հետազոտության հետևում. «Փաստ»
Մեր զորակցությունն ու աջակցությունն ենք հայտնում Գագիկ Ծառուկյանին և նրա ընտանիքին․ Խաչիկ Ասրյան
Ֆասթ Բանկն ու Mastercard-ը խաղարկում են 5-օրյա ճամփորդություն դեպի Փարիզ
50% աղքատություն՝ արցախցիների շրջանում․ «բարեկեցություն» բառով իրականությունը չեք փոխի․ Արեգա Հովսեփ...
Հայաստանի քաղաքացիները մանդատ չեն տվել վարչախմբին՝ փակելու Արցախի հարցը․ Մենուա Սողոմոնյան
Հայոց ցեղասպանության թանգարան-ինստիտուտը տեխնիկապես վերազինվել է
Նորերը հներից. Գերմանացի գիտնականները առաջարկել են արևային վահանակների արտադրության եզակի տեխնոլոգիա
«Օրրան»-ի սաները նոր ուսումնական տարին սկսեցին «Մի դրամի ուժը» նախաձեռնության աջակցությամբ
