«Ամռանը կարող եք ինձնից լավ լուրերի սպասել». Մավր Մկրտչյանը՝ «Դե զարկեք»-ի և սիրելիի հետ առաջիկա ծրագրերի մասին

Ժողովրդական երգիչ Մավր Մկրտչյանը երեկ երկրպագուների դատին հանձնեց իր նոր տեսահոլովակը՝ «Դե զարկեք»:

Past.am-ի հետ զրույցում սիրված երգիչը պատմել է տեսահոլովակի ստեղծման, սպասվող հյուրախաղերի և սիրելիի հետ առաջիկա ծրագրերի մասին:

««Դե զարկենքը» հին երգ է, որը գրվել է 90-ականներին՝ անվանի երգահան Աշոտ Վարդանյանի կողմից: Ժամանակին ես լսել էի երգը, իմ մեջ շատ էր տպավորվել: Տարիների ընթացքում պահը հասունացավ, և ստեղծվեց տեսահոլովակը»,- պատմում է Մավրը:

Տեսահոլովակի ռեժիսորը Սերժ Գաբյանն է:

«Ի սկզբանե ես ավելի շատ ուզում էի, որ տեսահոլովակը տաղավարային լուծումներով լինի, քանի որ ժամանակը սուղ էր, և եղանակային պայմաններից ելնելով՝ հնարավոր չէր լինի դրսում նկարահանումներ իրականացնել: Խոսեցի Սերժի հետ, նրա առաջարկած լուծումն ինձ շատ դուր եկավ, և առանց այլևայլությունների սկսեցինք նկարահանումները»:

«Ժողովրդական երգիչ 3»-ի ֆինալիստը չի բացառում, որ առաջիկայում իրեն կարող ենք նաև այլ ժանրերում տեսնել.

«Ժողովրդական ժանրում դեռ շատ ասելիք ունեմ, չեմ ուզում այստեղ կիսատ թողնել և անցնել ուրիշ տեղ: Հետագայում, բնականաբար, ուզում եմ այլ ժանրերում էլ երգել ոչ միայն զուտ բազմազանության համար, այլ որովհետև ուրիշ ժանրերում էլ եմ ինձ պատկերացնում»:

Մանրամասները՝ սկզբնաղբյուր կայքում: